 |
| May 18 |
| Home | Login | Browse | News | TV Schedule | Preference | Help |
|
|
| Bea Alonzo Ipinanganak noong 17 Oktubre 1987, siya ay anak ng isang taga-Britanya at isang Pilipin. Apat na taon pa lamang siya nang namuhay siyang walang ama at bata pa lamang siya ay pinangarap na niyang maging isang artista. Nag-aral siya sa Jose Abad Santos Memorial School sa Lungsod Quezon. Taong 2001 nang siya ay magtapos ng ika-7 antas dito. Bata pa lamang siya nang mag-umpisa siyang sumali sa iba't ibang patimpalak sa kagandahan at naging matagumpay naman siya sa kanyang pagsali. Ilan sa mga sinalihan niya ay ang Miss Pageant at Talent Search. Sa isang patimpalak din nagsimula ang kanyang pagpasok sa syobis. Nakita siya ni Oscar Peralta, isang sikat na taga-disenyo, na noo'y dinala rin siya kay Archie Ilagan. Si Archie ang nagdala sa kanya kay Johnny Manahan, ang namumuno sa ABS-CBN Talent Center. Mula rito'y isinama na siya sa Star Circle Batch 10. Hindi nagtagal ay dinala siya sa kanyang kauna-unahang palabas sa telebisyon, ang K2BU, isang programa para sa mga kabataan. Taong 2002 nang ang 15-taong-gulang na si Bea ay gumanap bilang isang 20-taong-gulang na abogada sa Kay Tagal Kitang Hinintay. Ang karakter ding ito ang nag-umpisa sa kanilang pagtatambalan ni John Lloyd Cruz. Naging matagumpay ang kanilang pagsasama sa telebisyon kung kaya naman nasundan nang nasundan ang kanilang mga proyekto, mapa-telebisyon man o pelikula. Sa telebisyon, kasama rito ang It Might Be You (2003); Ikaw Ang Lahat Sa Akin (2005); at ang pinaka-matagumpay, Maging Sino Ka Man Unang Aklat (2006) at Ikalawang Aklat (2007). Sa mga pelikula naman ay kasama ang My First Romance (2003); Now That I Have You (2004); Close To You (2005); All About Love (2006); at ang pinakahuli matapos ianunsyong magpapahinga muna ang kanilang tambalan upang makatanggap pa ng mga proyekto kasama ang iba pang artista, ang One More Chance (2007). Bukod dito'y nagkaroon rin siya ng iba pang pelikula sa Star Cinema kasama ang ilan pang mga sikat na aktor. Katambal niya si Piolo Pascual sa Dreamboy (2005) at si Jericho Rosales naman para sa Pacquiao The Movie (2006). Sa ngayon ay wala muna siyang teleserye o pelikulang ginagawa, nag ho-host at minsa'y kumakanta't sumasayaw sa A.S.A.P. '08. Ngunit napabalitang siya ang gaganap na bida sa Betty La Fea. Noong 2005 ay ipinagdiwang niya ang kanyang ika-19 taong kaarawan. At tulad ng iba pang mga pinahahalagahang artista ng istasyon ng ABS-CBN, nagkaroon siya ng isang ispesyal na programa na ipinalabas isang gabi. Pinamagatan itong Bea's Wildest Dreams at 18: Birthday TV Special na nagtatampok ng mga nais niya pa sanang gawin bukod sa pag-arte. Kasama na rito ang pagpunta niya sa bansang Singapore kasama ang kaibigang si Shaina Magdayao, pagsayaw at pagkanta kasama ang sikat na bandang Bamboo. Itinampok rin dito ang mga pagbati sa kanya ng kanyang mga kapamilya sa loob at labas ng syobis. News
|
