2-seater plane, nasa 'wish list' ng TV host-comedian

Author: Nel Alejandrino
Column: Tattle

A POPULAR TV host-comedian reportedly owns four vast real estate properties in several exclusive subdivisions in Metro Manila and in the provinces.

However, this did not prevent him from purchasing a house and lot in a prime subdivision in Quezon City.

"Talaga yatang wala siyang mapaglagyan ng kanyang pera," said our source. "Aba, ang kotse niya, lima-lima, at pawang mga imported pa.

"Tulad ng napabalita, may yate na rin siya at iba pa. Kulang na lang talaga, a two-seater plane, which he might just decide to own, dahil part pala ito ng kanyang childhood dreams. "

* * *

Speaking of lucky people, lucky si Direk Joyce Bernal dahil ang last telecast ng kanyang katatapos na teleserye, MariMar, registered a rating of 52. 6 percent, considered the highest-rating ever garnered by a TV series.

Somehow, nangangahulugan itong na-topple na ng MariMar ang record na nakuha ng Darna, also a GMA-7 show, which was previously considered phenomenal.

Kahit ang Pacquiao-Marquez bout failed to hold a candle to MariMar. So far, ang rating na nakuha ng nabanggit na boxing match was 48 percent plus.

Mac Alejandre co-directed MariMar with Direk Joyce. Gumanap naman bilang MariMar si Marian Rivera at si Dingdong Dantes bilang Sergio.

If you recall, Darna was directed by Eric Quizon. Angel Locsin, now a Kapamilya, played its title role.

* * *

We had the privilege na mapanood ang Supah Papalicious when it was previewed last Tuesday sa Studio One ng ABS-CBN.

Kahapon, Easter Sunday, ang bukas ng pelikulang ito, na pinangungunahan nina Vhong Navarro, Valerie Concepcion, Pokwang at Makisig Morales, among others.

Bale introductory movie itong Supah Papalicious nina Valerie at Makisig. Bagama't for a time, under contract sa GMA-7 si Valerie, 'di siya nabigyan ng pagkakataong makagawa ng movie ng GMA Films.

Masasabing Valerie and Makisig delivered sa kanilang comedy scenes bilang newcomers. They had rapport, which is just as well, since in most scenes, the two of them were together.

Kahit seksing-sexy na, still ay kapansin-pansin na may baby fat pa si Valerie.

Which is not surprising dahil 19 years old pa lamang siya.

Come to think of it, eight years lang ang tanda ni Valerie kay Makisig, who is 11. Ganunpaman, they were convincing in their portrayal as mother and son.

"Magaling ho kasing director si Gilbert Perez," tukoy ni Valerie. "From the start of our shooting, sinabi niyang isapuso ko ang role ko rito bilang mommy ni Makisig. "

"Isa pang naging advantageous para sa amin ni Makisig during the shoot of Supah Papalicious ay ang pagiging likas na mabait at matulungin ni Vhong. "He never made me and Makisig feel na baguhan lang kami at siya talaga ang star ng pelikula.

"Saludo rin ako, lalo na kay Pokwang. As a comedian, talagang magaling siya," saad pa ni Valerie.

* * *

AS expected, dumating ang dalawang anak ni Vhong — sina Isiah at Bruno — sa preview with Desiree del Valle in tow.

Aba, lalong gumanda si Desiree. Mahusay ka talagang mag-alaga, Vhong.

Kulang na lang imbitahan ni Makisig ang kanilang entire barangay. Pinakamarami siyang bisita sa preview among the members of the cast ng Supah Papalicious.

Lahat ng kanyang mga kapatid, kasama ang Mama at Papa, pati mga lola at lola niya, ay nasa preview din.

Kung sabagay, makakapagmalaki namang talaga si Makisig sa kanyang performance sa movie.

Well, keep up the good work, Valerie and Makisig!

Source: People's Tonight