Related Celebrities

Ai Ai, super sad

Author: Sun.Star
Column: Davao, Kalingawan

GRABE ang kaguol nga gibati ni Ai Ai delas Alas sa pagkaunlod sa SuperFerry 9 sa Zamboanga niadtong Dominggo.

Gisulti ni Ai Ai nga tibuok gabii gayud niyang gihilakan ang pagkamatay ni Ronnie Estrada, ang crew member sa Star Cinema nga sakay sa maong barko.

Si Estrada ug mga kaubanan, mao ang gitahasan sa shooting sa pelikula nga gihimo sa Gensan.

"Lungkot na lungkot ako sa balitang 'yan at umiyak ako dahil sa Volta pa lang (2004 movie ni Ai Ai sa Star Cinema), si Ronnie na ang behind the scene cameraman namin.

"Salamat sa Panginoon dahil nakaligtas 'yung marami. Nakakalungkot din na lumubog ang mga equipment ng Star Cinema," pahayag niya.

29 ka mga production crew members sa Star Cinema ang sakay sa maong barko nga miambak gikan sa barko ug si Estrada ang wala gisuwerte ug namatay.

Nidayo sa GenSan ang mga artista, direktor ug production crew sa Star Cinema tungod kay kuhaan nila og eksena si Dionisia Pacquiao nga may special participation sa Ang Tanging Pamilya.

Gituyo nila og adto si Dionisia kay di matud pa siya makaadto sa Manila.

Ang Tanging Pamilya ang title sa pelikula nga bidahan nila Ai Ai ug former President Joseph Estrada kauban sila si Sam Milby ug Toni Gonzaga.

Sumala sa taho, tungod sa trahedya, P55 million ang nawala sa Star Cinema tungod sa ilang mga equipments nga naunlod kauban sa barko.

Gipatik sa mantalaang SuperBalita Davao sa Septiyembre 10, 2009.

Source: Sunstar Daily