Aiko Melendez is imprisoned in Oct 25 episode of MMK

Aiko Melendez plays a mother who seeks redemption in the October 25 episode of Maalaala Mo Kaya.

Author: Philippine Entertainment Portal

Pagkatapos mapanood sa Your Song: Somebody Like You, makikita muli si Aiko Melendez sa telebisyon upang gumanap sa drama anthology show ng ABS-CBN. Sa Sabado, October 25, gagampanan ni Aiko ang role ng isang inang hinanap ang kanyang sarili sa kabila ng mga ibinigay na pagsubok sa kanya ng tadhana.

Makukulong ang karakter ni Aiko sa isang Correctional Institute for Women. Ang episode ng Maalaala Mo Kaya na ito ay idinirehe ni Nuel Naval.

Samantala, nagpapasalamat din ang MMK sa natanggap nitong mga nominasyon mula sa Philippine Movie Press Club. Lahat ng nominado para sa categories na Best Single Performance by an Actress at Best Single Performance by an Actor ay gumanap sa MMK. Para sa kababaihan, ito ay sina Gloria Romero ("Singsing" episode), Susan Roces ("Basura"), Helen Gamboa ("Mesa"), Cherry Pie Picache ("Tren"), Shaina Magdayao ("Telebisyon"), at Angel Locsin ("Pilat").

Para naman sa mga aktor, ang mga magkatunggali ay sina Dolphy ("Bisikleta" episode), Eddie Garcia ("Singsing"), Gary Valenciano ("Bag"), John Wayne Sace ("Mesa"), Gabby Concepcion ("Taxi"), at ang young actor na si Joshua Dionisio ("Sako").

Abangan ang episode ni Aiko Melendez ngayong Sabado, October 25, sa ABS-CBN.

Maalaala Mo Kaya (October 25, 2008)

Director : Nuel Naval

Writer : Mark Angos

Casting : Aiko Melendez, Cris Villanueva, Hazel Ann Mendoza, Nikki Bagaporo, Basty Alcanses

Hosted by Ms. Charo Santos-Concio, ang Maalaala Mo Kaya ay mapapanood tuwing Sabado sa ganap na 8 p.m.

Source: Philippine Entertainment Portal