American game show host, makikigulo Author: Pilipino Star Ngayon Dumating na sa bansa ang Deal or No Deal American host na si Howie Mandel noong Martes upang magsagawa ng isang special episode para sa around-the-world tour ng kanilang programa na maipasubok sa mga Amerikanong players kung paano natin nilalaro ang hit game show dito sa Pilipinas. Nakatakdang mag-taping si Howie ngayon Huwebes kasama si Kris Aquino bilang co-host, 26K girls, at pati na rin si Banker. Ang two-hour episode ng Deal or No Deal – Around the World na ipapalabas sa US sa May 7, ay tatampukan ng dalawang American contestants na maglalaro ng game ayon sa rules ng Kapamilya Deal or No Deal, ang Philippine franchise ng show na prinodyus ng ABS-CBN, ngunit ang laman ng mga briefcases ay US dollars alinsunod sa paglaro nila sa Amerika. Ayon naman kay Endemol USA manager of production Shannon Herlihy, napili ang Pilipinas na maging bahagi ng world tour dahil naaliw at natuwa ang Endemol sa atake nating mga Pinoy sa naturang show. Ang Deal or No Deal ay na nagsimula sa Netherlands at ni-localize sa 50 bansa. Sa US ang mga contestants ay naglalaro upang manalo ng top prize sa pagbubukas ng 26 brief cases na may nilalaman mula 1 cent hanggang US$1M. Source: The Philippine Star | 
