Angel naimbyerna sa 'abortion' isyu

Author: Sun.Star
Column: Davao, Kalingawan

SUYA ang beauty ni Angel Locsin sa chismis nga nagpa-abort siya.

Ang maong chika, gipakatag matud pa sa usa ka na-tsugi nga staff ni Becky Aguila, ang manager ni Angel.

Sumala ni Angel, old na kaayo ang isyu ug nasuya na siya kung nganong gibalik na sab kini karon.

Dako sab gayud ang pagtuo ni Angel nga sa handler gayud sa iyang manager nag-gikan ang maong intriga. Kini daw, agi'g pagpanimalos sa uwahi sa gihimong pagpa-hawa kaniya sa trabaho tungod sa pagkalambigit sa nagkadaiyang mga salaud.

"Wala naman akong problema do'n sa handler na 'yon. Baka nada-damay lang ako," matud sa dalaga.

Sa Entertainment Live!, gibutyag ni Angel nga siguradong mosukol siya kung padayon ang pagpangdaot sa iyang mga detractros kaniya.

Matud ni Angel nga grabe na ang ilang pagpang-daut ug below the belt na, gawas pa nga wa'y basehan.

"Kasi, ang pagkababae ko na 'yung inaa-take nila, eh, kaya talagang lalaban ako," sey niya.

Una nang gidepensahan si Angel sa iyang nadungog nga boyfriend nga si Luis Manzano.

Si Luis nagbutyag nga dili ingon niining klase si Angel ug andam siyang paluyohan sa dalaga sa tanan niining plano bahin sa maong intriga.

Sa pikas bahin, giklaro gayud ni Angel nga wa na gayu'y awayan kanila ni Claudine Barretto.

Sumala niya nga wa gayud siya niapil sa 'Folded and Hung' fashion show tungod kay ni-back-out na siya daan tungod sa shooting sa ilang pelikula ni Piolo Pascual.

Source: Sunstar Daily