Basil: Melanie Marquez di kaari sa Sinulog

Author: Timmy Basil
Column: Cebu, Kalingawan, Grabe na ni!

MANILA- Kalit nga nabuhi ang ugat-ugat sa mga karaang fans nila ni Sharon Cuneta og Gabby Concepcion sa dihang ilang nakita sa VTR si Gabby Concepcion nga nag-wish sa concert ni Sharon Cuneta nga gipahigayon sa Araneta Coliseum niadtong Biyernes sa gabii.

Kung kaniadto kanunay molikay-likay si Sharon kon alam niyang present si Gabby sa affair nga iyang giatenan, pero karon, kon sa kanta pa ni Vhong Navarro, ayos na ang butu-buto.

Matud pa ni JR Cabriles (nga anaa karon sa Cebu og nagbakasyon for the Sinulog) nga usa ka diehard Sharon-Gabby fan, karon nga okey na sila ni Sharon og Gabby, iya nang gi-expect ang sunod nga panghitabo - may pelikula na si Sharon og Gabby. "Nidako ko Tim sa kasikatan sa Sharon og Gabby so karon nga okey na sila we are expecting nga unta may himoon silang pelikula," sey pa ni JR nga bago mapunta sa corporate world, naging member una siya sa usa ka local band sa Cebu.

Bitaw! Daghan kaayo ang naghinam-hinam nga makita sila sa usa ka movie kaya dapat pagbigyan nila ang clamor sa publiko.

Teka, unsa kaha ang reaksiyon ni senator Kiko Pangilinan sa kalit nga paghumok sa kasing-kasing ni Sharon Cuneta? Makaapekto kaha sa political career ni Sen. Kiko ang pagsinabtanay karon ni Sharon Cuneta og sa ex-husband niyang si Gabby Concepcion? Hmm.... MAY BOYFRIEND NA

Nagkita kami ni Miky Sorra (ang sikat nga Pinay singer sa Hongkong karon). Iya akong giduaw sa hotel room (sa Marco Polo Gateway) og kauban niya ang iyang boyfriend - si Emman Andrada, usa ka IT Specialist og usa sad ka Pinoy.

Actually, late last year gipaila-ila na sa ako ni Miky si Emman pero matud pa niya "off the record" pa kuno tungod kay nagpo-promote pa siya sa iyang album. Pero sa dihang nagpunta ako sa Hongkong og tiyempong nagbakasyon sad si Emman, heto't wala na'y off the record-off the record, gusto na ni Miky nga ipaila-ila sa iyang mga friends nga taga-Cebu ang iyang bag-ong boyfriend.

Medyo mobo lang si Emman , taas pa ko pero ubod ng talino. Super blooming karon si Miky, nag-spark-spark ang iyang mga mata og halatang inlab na inlab.

Sa laing bahin, balik sa iyang trabaho si Miky sa Hongkong. Balik siya sa pagkanta sa mga dagkong hotel didto og kon Domingo, balik sad siya sa iyang "charity" diin may libreng show siya sa nagkalain-laing park sa Hongkong para aliwin ang mga OFW nga nagde-day off tuwing Sunday.

Plano sad ni Miky nga i-revive ang iyang publication, diin may newspaper siyang nagsi-circulate kanhi sa Hongkong - ang "Showbiz Central". LEILANIE FRANCOIS

Medyo pahuway una si Melanie Marquez karon sa pagparada sa umaabot nga Grand Parade sa Sinulog. For several years, usa si Melanie sa naging atraksiyon sa grand parade.

Karong higayuna, ang Hongkong-based og Creworks Asia model nga si Leilanie Francois nga modelo sa Glutamin ang moparada.

Super pretty ang batang ito. Ang nakakatuwa, bisan og super mestisa siya pero kahibaw siyang mo-Tagalog. Seventeen years old pa lang si Leilanie og nakita ko na siya in person. Super pretty ang batang ito.

Flawless na flawless kaya bagay kaayo siya sa Glutamin nga matud pa ni Jim Acosta, bisan og bag-uhay pa sa market pero kusog na ang sales.

(January 14, 2008 issue)
Write letter to the editor. Click here.

Source: Sunstar Daily