Blake, kinasuhan ng modista!

Author: Ruel Mendoza

NAG-DENY ang bagong Hollywood heartthrob na si Zac Efron na kasama siya sa cast ng fourth franchise ng Pirates of the Caribbean movie.

Pero kung aalukin daw siya na mapasama sa cast, hindi raw siya tatanggi.
May balita kasing gaganap siya bilang kababatang kapatid ni Captain Jack Sparrow sa bagong sequel ng Pirates of the Caribbean. Ginu-groom nga ang bida ng High School Musical 3: The Senior Year ng Disney to follow in the footsteps of Depp.

Sa interview nga ni Efron sa radio show ni Ryan Seacrest in Los Angeles, ito ang mga sinabi niya regarding the issue:

“Honestly, at this time it's just a rumor. I wish I was going to be in Pirates of the Caribbean 4, so hopefully that will happen for me.”
***

Dinemanda nga ang Gossip Girl star na si Blake Lively ng isang modista dahil sa pag-adjust sa isang damit niya.

Nagsampa ng demanda ang Brooklyn-based tailor na si Angela Bilotti kay Lively na nagkakahalaga lang ng $500 dahil sa pag-ayos nito sa damit na sinuot ng Gossip Girl star noong nakaraang Teen Choice Awards.

Ayon sa balita ng TMZ.com, nagsabi raw si Lively na pupunta lang sa ATM cash machine para mag-withdraw ng bayad niya kay Bilotti. Pero hindi na raw bumalik si Lively since then. Sinubukan nga raw tawagan ni Bilotti si Lively pero hindi raw nito binabalik ang kanyang mga tawag.

Ayon naman sa representative ni Lively, hindi raw tama ang naging fit ng damit kay Lively kaya ang babayaran na lang daw nito ay kalahati sa original amount nila.

Source: Abante