Carla, type si Aljur!

Author: Ruel Mendoza

Para kay Carla Abellana, si Aljur Abrenica ang pinakagusto niya sa sampung top Cosmo Bachelors.

“Kilala ko na si Aljur because nakakasama ko siyang mag-acting workshop kay direk Joel Lamangan. Bagung-bago pa ako noon at wala pang experience sa acting and it was Aljur who was so kind to help me out.

Nagiging partner ko kasi siya sa mga acting exercises namin.

“Kahit naman sinong girl, si Aljur ang pipiliin. Just look at him, at a very young age, he already achieved so much in his career tapos guwapo pa at kasama pa siya sa top ten bachelors.

“But what's important is mabait siyang tao at isang gentleman. Kapag nagkikita nga kami lagi niya akong pino-“po”. He's a very respectful person kaya he will go a long way,” say ni Carla.

Looking forward din si Carla na makatrabaho si Aljur.

“If given the chance, why not? Aljur for me is a good actor and base on what I have been hearing about him, he is the next big actor to watch out for. I would be proud to work with him someday.

“Pero siyempre, hindi pa puwede since I still have Rosalinda and he has a loveteam with Kris Bernal. Type ko ang loveteam nila ni Kris. Bagay sila.

Ayokong makasira ng team-up nila,” sabi pa rin ni Carla.

Sa Starstruck V nga pala ay makakasama si Carla na mag-host nina Dingdong Dantes at Raymond Gutierrez. Pinalitan niya si Jolina Magdangal.

Iniintriga ngang sinulot ni Carla ang trabaho ni Jolina?

“Naku wala naman akong sinusulot na trabaho. Nagulat nga ako kasi they offered me to host the show.

“With Jolina, hindi pa kami nag-uusap tungkol dito and I will make sure na kakausapin ko siya kapag nagkita kami sa SOP. Siyempre, I want to take some hosting advice from her since she has so much experienced with it already.

“And I want to assure her nga that I'm not taking anything from her. I know na mabait at maintindihin siyang tao. I know that this will not be a reason para hindi kami maging magkaibigan ni Jolina,” nakangiting sabi na lang ni Carla.
***

Mas pinadali ng GMA Records at Home Video ang pagluluto ng mga masasarap at easy-to-prepare meals sa pamamagitan ng “Chef Mom Rosebud's Quickfire - 10-minute Kitchen Wonders” - isang compilation ng mga araw-araw na putahe mula mismo sa kusina ng Quickfire ng Q-11.

Kasama si Chef Rosebud Benitez, alamin kung paano gumawa ng mga gourmet meals tulad ng Must-Try Pad Thai, Morrocan Chicken Couscous, Hassle-free Cashew Prawns, Asian Noodle Sensation, at Maya-maya with Lemon Butter Sauce sa loob ng 10 minuto. May kasama pang free recipe booklet ang DVD kaya mas lalong ginawang convenient ang paglista ng mga sangkap at pagsunod sa cooking pointers mula sa resident chef na si Chef Rosebud.

Ang “Chef Mom Rosebud's Quickfire - 10-minute Kitchen Wonders” ay ni-release ng GMA Records and Home Video at mula sa Ajinomoto, now celebrating 100 years of Umami goodness.

Source: Abante