Daclan: Dingdong, Eugene na?

Author: Doodz Daclan
Column: Cebu, Doodz Daclan, Kalingawan

UNSWA na ni si Eugene Domingo ang bag-o karong leading lady ni Dingdong Dantes? Ngeee, mao ni iyang gipuli karon kay Marian Rivera? Di ko sure anih dah!

Apan kwidaw kay malipayon kaayo si Dingdong nga siya maoy napilian nga mahimong kapartner ni Uge sa launching picture enetch! Kining maong movie nga giulohan ug "Kimmy Dora" sa title pa lang gani ha bidang-bida na ang ebyang nga komedyante.

Gi-prodyus ni Piolo Pascual avah bongga ka yadz! kay syodi join si Piolo dinhi producer ra ang drama ini ug ang bida si Uge ug Dingdong. Nanghambog pa ang Dingdong nga kon mag-uban ang iyang mga fans ug mga panatiko usab sa komedyante siguradong blockbuster ang movie, aberr tanawon nya nato ni!

Di kaha ma-alkanse ani ang Piolo Pascual, ngeee! Di usab ma-imagine ni Dingdong nga kalabtim niya dinhi si Eugene apan dako siyag pagsalig nga mo-click ning ilang tandem, basta matud pa sa guapo gihatag niya ang tanan para ining maong proyekto.

Sa dihang gipangutanan kini mahitungod kay Piolo, humble kaayo kining miangkon nga sa trulili lang mas sikat ug labaw si Piolo kay kaniya. As in daghan na kuno kinig napamatud-an.

Maong bow kaayo ang Dingdong kay Piolo, apan sulti sab ni Piolo nga mapasalamaton kaayo kini nga wala balibari ni Dingdong ang maong project.

Wala naman gani kini mangutana kon pilay budget, mao nga kon may offer sab unya puhon si Dingdong kaniya dili sab gyud kini niya balibaran ...plangak! Ay'g saba!!!!

Bisan pag daghan kaayo ang nag-ingon nga naning ug peke ang tambalang Piolo Pascual ug KC Concepcion keber lang sab ang guapo. Basta kay excited ron si Piolo kay hapit naman magsugod ang ilang "Lovers in Paris" sa ABS-CBN.

Sa tinuod lang sa Paris gyud sila nahimong super close sa anak sa mega, hangtud nga nakapauli na lang sila dinhi sa Pilipinas misamot ang closeness sa duha.

Pero depensa ni Piolo nga bestfriends lang gyud kuno sila ug murag manghud ang iyang pagtratar ngadto sa dalaga.

Apan sa mga nangawas karon nga mga huhungihong sa kasweetan sa duha ug sa mga di ma-expalin nga moments nila together hangtud asa kaha kutob ang ilang friendship? Mao kanay mga pangutana o basig may buhaton pa silang movie sa Star Cinema unswa man....ay'g saba!!!

Sad ko nga buwag na diay si Kaye Abad ug Chito Miranda sa Parokya ni Edgar, dugay-dugay baya sab ang ilang relasyon abi naman gani sa uban ug sila na gyoy magkadayon. Apan naunsyami ang paghatud ni Chito kay Kaye sa altar sa kaminyoon kay ang tsika break na gyud ang duha.

Gani duna nay mga tsismax nga duha ka aktor karon ang nag-ibid-ibid kay Kaye, avah yadz si Chito kaha kinsa say gikabuanagn karon?...ay'g saba!!!!

Source: Sunstar Daily