Daclan: Dingdong, Marian, Derek sa Kadaugan?

Author: Doodz Daclan
Column: Cebu, Doodz Daclan, Kalingawan

BONGGA apan hisgot-hisgot lang ni nga lagi sila Dingdong Dantes, Marian Rivera ug Derek Ramsay ang gusto unta nilang mahimong modala sa mga importanteng papel sa umaabot nga Kadaugan sa Mactan.

Kon madayon man, kini as in grabeh sab unya kabaga sa mga tawo ang motan-aw sa maong kalihukan. Angayan man pod silang tulo kon akoy pasultion, apan wait lang una ta, kay kining tanan gihisgutan pa lang. Wala pa gyud makonfirmar, busa ayaw ka-hot una ha!

Panagbenga 2009 blog

Baasta kon kinswa man gani ang mahimong Magellan, Bulakna ug Lapu-lapu ako lang gyud sab dayong i-tsika sa nanats! ay'g saba!!!!

Willie Revillame ang numero uno sa pinak-powerful sa showbiz! avah bongga ang Willie apan daghan ang super react sab sa maong isyu. Dunay nakauyon, duna say wa makauyon ug dayong kwestyon ngano ug ngano nga siya man ang milandig sa numero uno? Hmmm

Apan ni Willie pa dili baya siya ang nagmugna ana ug wa siya masayud kon unsay basihanan nila sa pagka-powerful sa kwarta, rating ug unsa pa diha! Ikaw unsa may inyong comment, may violent reaction ba ka o deadma lang as in wa ko care! ay'g saba!!!

Bisan pa man ug gihimakak sa duha ka mga guapa sa syete nga wala silay away ug isyu sa usag-usa wala gihapon motuo ang pipila sa mga pipol. Ang akong gipasabot mao sila si Sunshine Dizon ug Iza Calzado nga karon kauban na usab sa seryeng "All about Eve" sa kapuso network.

Deny to death ang duha ka mga bida sa maong serye, syodi daw sila nagka-intrigahay diha sa syete. Aw, basin apil ni sa pakulo para sa maong teleserye wa sab ta kahibalo, basta sa tan-aw nako morag nindot baya ning maong serye busa nuntan ni nato ha.

Shock ko oi sa teaser nga minugna para sa horror movie ni Maricel Soriano nga T2 sa direksyon ni Chito Rono sa Star Cinema. Morag makuryoso sab gyud ka nga motanaw ug daw bati-on ug kahadlok kon trulili ba gyud kining mga laing tawo sa atong palibot.

Unsaon man gud nga sa mga confessions lang nga gipakita ug gipadayag sa mga nakaagi ining panghitabo, morag manlimbawot sab gyud imong katapusang balhibo.ay'g saba!!!!

Source: Sunstar Daily

Copyright © 2005 - 2009. Telebisyon.net. This article is a copyright property of Sunstar Daily. This page serves as an archived copy of the article written by Doodz Daclan. All rights reserved. No part of this website shall be copied or reproduced in any means possible without explicit permission from the owners.