Related Celebrities

Desiree, muntik mag-walk out sa taping

Column: Aba!
Author: Noel Asiñas

ISANG source ang nagbulong sa amin na biglaan pala ang ginawang pagpapalit ng manager ni Billy Crawford.

Matagal na raw itong wala sa pangangalaga ni Raul Laurente, kaya bigla ring nabago ang takbo ng kanyang career.
* * *
MUNTIK nang magkaproblema ang set ng Kung Ako Ikaw sa Sta Cruz, Laguna, nang kunan ang episode na Bee Farm workers kamakailan.

Nag-threaten daw kasi si Desiree del Valle na magwo-walk out kapag siya ang piniling parusahan ng bisor at isalang sa palibot ng mga bee.

Sina John Lapus at Rachel Alejandro ang kasama ni Des na guest sa KAI.

Dahil dito, nagulo ang production. One-day taping lang daw kasi 'yon kaya mahihirapan silang kumuha agad ng kapalit ni Des kung lalayas ito.

Mabuti na lang at hindi ang GF ni Vhong Navarro ang napili ng supervisor.
* * *
HINDI na tuloy ang tour ni Manny Pacquiao sa site ng 2008 Beijing Olympics.
Hindi raw kakayanin ng schedule ni Manny ang pagpunta roon, kaya nag-beg-off ito sa imbitasyon ng embahada ng Tsina.

Si Manny nga pala ang naging center of attraction sa reenactment ng Kadaugan sa Mactan.

Siya ang lumabas bilang Lapu-Lapu at ang gumanap na asawa niya ay ang misis sa totoong buhay na si Jinkee. Kahapon ito ginawa sa Mactan, Cebu.
* * *
MAGSISIMULA nang magtaping si Regine Velasquez ng bagong weekly show niya, ang The Songbird Sings. ..

Naka-schedule ang taping bukas, April 29, at mapapanood naman ang pilot episode sa May 15.

Ang first episode ay pinamagatang The Songbird Sings Barbra Streisand.
Kada Thursday evening ito mapapanood featuring Regine singing hit songs by other artists.

Ito'y tipong An Evening with Pilita noon.
* * *
SINCE may bagong weekly show si Regine, hindi lang isa, kundi tatlo na ang magiging exposure niya kada linggo.

First week of May kasi ay magsisimula na rin ang soap opera niyang Kim Sam Soon, tapos, napapanood din siya tuwing Sunday sa SOP.

Bandang June or July daw magsisimula ang Kim Sam Soon sa GMA-7.
* * *
NAGKAROON na raw ng story conference ang Kim Sam Soon, ayon sa isang source.

Si Nadine Samonte na nga ang lalabas na kontrabida ni Regine sa istorya.
Gagampanan nito ang papel ng young girlfriend ng ex-bf ni Kim Sam Soon na si Wendell Ramos.

'Di naman daw salbaheng kontrabida si Nadine sa soap, kaya napapayag ang young actress na gawin ang show.

Bukod kina Wendell at Mark Anthony Fernandez, lalabas na best friend ni Regine si Maureen Larrazabal.

Source: People's Tonight