Diana, pasok sa 'One Night Only'

Author: Jojo Gabinete

Short Time ang original title ng One Night Only ng OctoArts Films. Kasali dapat ang Short Time sa 2006 Metro Manila Film Festival pero hindi natuloy ang plano ng Octoarts Films dahil nag-concentrate ang movie outfit sa Enteng Kabisote at Matakot Sa Karma.

Kung natuloy ang Short Time, pagbibidahan sana ito nina Rufa Mae Quinto at Diana Zubiri.

Nahirapan din ang OctoArts Films na mabuo ang cast ng Short Time dahil hindi ipinahiram ng Seiko Films si Diana.

Tapos na ang kontrata ni Diana sa Seiko Films kaya kasama na uli siya sa cast ng official entry ng OctoArts Films sa 2008 Metro Manila Film Festival.

One Night Only na ang pamagat ng pelikula. Hindi na kasama sa cast si Rufa Mae dahil bida ito sa sequel ng Desperadas, ang entry ng Regal Entertainment Inc. sa 2008 MMFF.

Mula sa panulat at direksyon ni Joey Reyes ang One Night Only.

Makakasama ni Diana sa nabanggit na project sina Katrina Halili, Iya Villania, Valerie Concepcion, Iwa Moto, Paolo Contis at Ricky Davao.

Source: Abante

Copyright © 2005 - 2009. Telebisyon.net. This article is a copyright property of Abante. This page serves as an archived copy of the article written by Jojo Gabinete. All rights reserved. No part of this website shall be copied or reproduced in any means possible without explicit permission from the owners.