Related Celebrities

Dingdong, Marian buwagon na gyud!

Author: Sun.Star
Column: Davao, Kalingawan

HUMAN makumpirma nga si Marian Rivera ang mamahimong "Darna" sa GMA ug solo niya kining project, daghan ang mitaas ang kilay tungod kay clueless na sila kung asa na mopadulong ang iyang ka-loveteam nga si Dingdong Dantes.

Si Marian ug Dingdong, di gayud malalis nga mi-bongga ang career sukad sa ilang panagpares sa "Marimar" hangtud sa "Dyesebel" hangtud sa ilang nahuman nga serye nga "Ang Babeng Hinugot sa Aking Tadyang."

Sa pagtapos sa serye, gipadayag gayud nila ni Dingdong ug Marian nga di nila buot nga mabuwag sa usa'g-usa sa sunod nga serye.

Apan sa bag-ong development diin gi-announce sa GMA nga si Marian ang bag-ong "Darna," daw milubog ang posibilidad nga sila gihapon ni Dingdong ang magpares.
Nisamot pa kangitngit ang posibilidad nga sila na sab ang mag-uban sa sunod nga proyekto sa GMA tungod kay na-tsismis karon nga mobida sa Pinoy adaptation sa usa ka sikat nga Koreanovela.

Sumala pa, sunod nga TV project ni Dingdong mao ang Stairway To Heaven, nga unang gipagawas sa Korea niadtong 2003 ug 2004 ug gipasalida sa Kapuso network niadtong 2005.

Sey pa, si Dingdong daw ang modala isip Cholo nga unang gidad-an sa Korean superstar nga si Kwon Sang Woo sa original version.

Gikabutyag nga wa pa'y napili nga maka-partner ni Dingdong sa maong Koreanovela adaptation nga modala sa papel nga Jodi nga unang gidad-an sa sikat nga Korean actress nga si Choi Ji Woo.

Final na daw nga dili lakip si Marian sa mga Kapuso lead actresses nga pilian sa maong role since anaa na kaniya ang "Darna."

Apan ang kampo ni Dingdong, wa miangkon sa maong chika. Sumala sa iyang manager nga si Perry Lansigan, wa sila'y nadawat nga samang offer alang kang Dingdong. Hinuon, abli sila sa maong posibilidad.

Source: Sunstar Daily