Dingdong, apektado na

Author: Sun.Star
Column: Davao, Kalingawan

GIANGKON ni Dingdong Dantes nga apektado na siya sa sunud-sunod nga chismis bahin kaniya ug kang Marian Rivera, ingon man sa ex-girlfriend nga si Karylle.

Kung kahinumdoman nga giayo'g kuso-kuso sa press ang isyu bahin kang Marian ug kang Karylle sud sa pila ka adlaw.

Ang isyu, nunot sa misteryosong smile nga gibuhian ni Karylle sa 'The Buzz' usa ka semana na ang milabay human gipangutana sa giingong pagbuntis ni Marian diin si Dingdong ang amahan.

Si Marian, naghilak nga miatubang sa media ug nagsulti nga na-offend siya sa gihimo ni Karylle.

Si Marian, hugot nga mi-deny nga buntis siya.

Karon, di na buot ni Dingdong nga mag-comment bahin sa isyu.

Sey ni Dingdong nga mas mahinungdanon nga andam siyang barugan ang kamatuoran since mogawas ra usab ang tanan sud sa pila ka adlaw.

According kang Dingdong bisan pa man nga apektado siya sa intriga, iya na lamang ginapadaplin ang chika ug nagpaka-busy siya sa trabaho since di daw kini tinuod.

Di na sab buot ni Dingdong nga mamahayag bahin sa misteryosong smile ni Karylle sa 'The Buzz.'

Wa pa daw nakita ni Dingdong ang actual nga interview mao nga di pa siya makasulti kung may malisya ba ang maong smile ni Karylle nga gihilakan ni Marian.

Source: Sunstar Daily