Dingdong, bumigay sa halik ni Marian!

Author: Jun Nardo
Column: I Know Better!

Itinanggi ni Dingdong Dantes na tu­mitingin na sila ng condo ni Maria­n Rivera sa isang sosyal na lugar sa Makati para gawin nilang tirahan. May nakakita kasi sa kanilang sa lugar na `yon.

At kasunod na tsismis, `yun daw ang gaga­wing pugad ng pagmamahalan nila ni Marian?

Nababalak ba silang mag-live in ni Ma­rian?

“Hindi! Hindi totoo 'yon! Ha! Ha! Ha!” paniniyak ni Dingdong.

Pero, inamin niya na 'yung pagsasama nila ni Marian sa daily series ay naging dahilan para higit silang magkalapit.

“Definitely! Wala na kaming barriers. Wala na kaming iniintindi.

“Like ngayon, puwede na kaming lumalabas na walang minamasama. Like before, hindi tama 'yon! We enjoy our single life together kapag nagdi-date kami!” rason ng aktor.

Sa pilot telecast ng Ang Babaeng Hinugot Sa Aking Tad­yang, tadtad sila ng halikan ni Marian. Pero kapansin-pansin na kumawala siya sa role niyang virgin na babae sa series.

Ang galing-galing niyang humalik kasi, huh!

“Dapat nga hindi, eh! Mali! Pero pareho lang naman ang halikan namin kagaya nu'ng una.

“Actually, mali nga ako sa ginawa kong paghalik. Dapat kasi, naive ako. Nasanay kasi ako sa dati naming halikan sa Marimar.

“Ganoon parati ako sa kanya. Pero kumawala ako sa role ko bilang Homer! Ha! Ha! Ha!

“Sa susunod, hindi na!” natatawang kuwento pa ni Dong.
Madalas ba siyang bumigay kapag si Ma­rian ang kaeksena niya?

“Oo! Hindi, I mean, kahit sa drama!” sagot niya.

Hindi 'yung sa drama?

“Ahh, hindi. Matatag ako sa ganyan. You should know when to stop!” dahilan ni Dong.

Sa TV plug, higit na daring sa kanya si Ma­rian. Meron itong two piece at matitindi ang pagpapasilip niya ng alindog. Eh, siya ba?

“Meron din naman siguro. Pero hindi pa siguro kailangan 'yon ngayon.

Definitely, me­ron 'yan kasi may shift ang character ko sa gitna. Magtu-two piece din ako! Ha! Ha! Ha!” natawang sagot ni Dong.

Siyanga pala, ngayong Sunday sa Showbiz Central sina Dingdong at Marian ang papagitna sa Intriga Crossfire. Uupo naman sa Don't Lie To Me sina JC de Vera at Rhian Ramos habang sasambulat na ni Isabel Oli ang most wanted issues sa kanya sa DJ Mo, Gimme Mo!
***

Magkakaroon ng grand alumni homecoming ang gra­duates ng Pamantasan Ng Lungsod ng Maynila sa Feb. 27 and 28. Billed as PLM @ 42, gaganapin ang reunion sa PLM Campus, Intramuros, Manila.

Ilan sa mga graduates ng PLM ay ang GMA Senior Vice President for Entertainment na si Wilma Galvante, TV host-comedian Michael V, Yes associate editor na si Ana Pingol at ma­ging kami ay graduate nito.

Para sa detalye ng homecoming, please log sa www.plmaaintramuros.org. Puwede ring mag-text o tumawag kay Jojo Velasco -- 869-2623/0921-858-2911 or Cesar San Pedro -- 932-57-67/0917-5293289.

Source: Abante

Copyright © 2005 - 2009. Telebisyon.net. This article is a copyright property of Abante. This page serves as an archived copy of the article written by Jun Nardo. All rights reserved. No part of this website shall be copied or reproduced in any means possible without explicit permission from the owners.