Dingdong, nag-react sa CBCP isyu

Author: Ian F. Farinas

AYAW magpaapekto ni Carla Abellana sa pang-iintriga ng ilan na "sinulot" niya ang hosting job ni Jolina Magdangal sa StarStruck V. Sey ng dalaga nang makausap ng press sa SSV launch sa SOP, "Oh, my goodness! It's an honor, I'm very thankful. This is a new opportunity for me, this time, hosting naman, so, very exciting. I know its gonna be a big thing.

"I've hosted when I was in high school, nu'ng college, a little bit. Tapos ngayon, sa SOP, co-host, so, I get to practice every now and then.

"To be honest, I don't know why (they chose me). But the best people siguro to answer that question is, of course, management of gma. I'm sure they have a good reason as to why they chose me.

"You know, StarStruck is proud naman that si Ms. Jolina hosted before, so, maganda naman 'yung turnout nu'n, so, I think, management is really the one who's supposed to answer that question. "

Salo naman ng co-host na si Raymond Gutierrez, "Jolina's very busy now and I'm sure she's contented with Unang Hirit and all her shows now. We're proud of, like what Carla said, what she's achieved and what she's contributed to the show in the past and we're just happy to welcome Carla. "

Si Dingdong Dantes, ang original SS anchor, ito lang ang masasabi: "Welcome, Carla! Gaya ng sabi nila, of course, maraming malalaki at magagandang contributions na naibigay si Jolina. On the other hand, let's welcome Carla. "

* * *

SPEAKING of ayaw paapekto, maging si Dingdong, ayaw nang palakihin pa ang usapin sa sinasabing pagre-react ng Catholic Bishops Conference of the Philippines (CBCP) sa kuha niyang mala-Jesus Christ sa bookazine ng Summit Media.

Sabi ni Dingdong, no big deal ito at hindi totoong ni hindi man lang sila nagpaalam sa CBCP bago kunan ang naturang litrato.

Depensa pa ng male lead ng malapit nang simulang Stairway to Heaven, "Basahin na lang nila, nakalagay naman du'n (sa bookazine) kung bakit, eh. Nagpaalam ako, sigurado ako ru'n. Saka, confident naman ako sa faith ko, eh. "

* * *

NAKAKAALIW ang tsika ni Ai-Ai de las Alas sa status niya sa kanyang Facebook account kahapon.

Nasa GenSan daw siya para sa shooting ng pelikula nila ni former President Joseph Estrada sa Star Cinema, kung saan ka-join sa eksena ang may special appearance na si Aling Dionisia Pacquiao.

Sey ni Ai-Ai, para raw palang tourist attraction ang nanay ng People's Champ na si Manny Pacquiao. "Dinarayo" raw kasi talaga ito ng mga tao.

* * *

PAKI ng kaibigang Tony Molina: Magandang balita para sa mga mahilig magbiyahe't magliwaliw. Bukas na ang bansang Libya para sa mga turista, skilled worker at investor na nais bumisita rito.

Maliit lang daw ang populasyon ng Libya, pero isa ito sa pinakamalaki at pinakamayamang bansa sa Africa.

"It's a very exciting time to live and work in Libya because it's a time of change. So many opportunities and possibilities with the modernization projects and new government policies," sey daw ni Belen Al-Humayed, presidente ng Bison Management Corp.

Ang Bison ay 20 years nang nagpapadala ng Pinoy workers sa Libya. In demand ang workers natin dahil sa magandang performance sa trabaho.

Ang mga turista naman, maaaliw daw sa Phoenician, Greek, Roman at Arab influences ng Libya. May ancient ruins din at coastal cities na may magagandang beach at dunes sa bandang Sahara desert.

Bukod dito, ongoing din ang construction ng world-class hotels, bagong airport, modern roads at telecommunication facilities.

Source: People's Tonight