Related Celebrities

Dingdong, utility boy ang drama kay Marian!

Author: Abante

WALA pang alam si Dingdong Dantes kung sino ang gaganap na Jodi or si Choi Ji Woo na magiging ka-partner niya sa Stairways to Heaven. Sabi niya, wala pa raw napipili na magiging bago niyang kapareha.

Hindi kaya siya mahirapan o manibago na pagkatapos ng tatlong sunod-sunod na series nila ni Marian Rivera, iba na ang kapareha niya ngayon?

“I have to be in-love with this series. Naniniwala akong dapat na ma-in-love ka sa hinihingi ng character. But it doesn't mean that I need to be in-love with my leading lady. Pag-aaralan ko lang ang character at feelings ko. It's my choice naman kung paano ako aarte sa eksena,” sagot ni Dingdong.

After ng phenomenal loveteam nila ni Marian, sa palagay ba niya ay okey pa rin na magkaroon siya ng bagong loveteam?

“Hindi naman siya loveteam, siguro, leading lady. 'Yung sa amin ni Marian, nagkataon lang na sa tatlong series na ginawa namin, nagkasunod-sunod talaga at masasabi ko namang naging masaya naman kami doon.”

Kumusta na silang dalawa ni Marian?

“Okey naman. Ayos naman,” nakangiting tugon niya.

Nami-miss na ba niya ito?

“Siguro ang nami-miss ko 'yung pag-aasikaso ko sa kanya sa set!”

Paano ba niya ito inaasikaso?

“Sabihin na lang natin na para akong utility boy kapag nagte-taping kami.

Which is, I think, normal naman talaga dahil as leading man, you have to make your leading lady comfortable.”

Plano nga pala ni Dingdong na magpunta sa Korea.

“Naiisip ko lang, since I'll be doing Stairways, bakit nga ba hindi ko puntahan 'yung carousel nila doon at i-feel 'yung place. Hindi pa rin naman ako napupunta ng Korea.”

Bukod dito, magsisimula na rin daw siyang mag-shooting ng movie, ang Kimidora na bida si Eugene Domingo, at ididirek ni Joyce Bernal, at produce naman ni Piolo Pascual.

Source: Abante