Dingdong-Marian, napakyas sa ABHSAT

Author: Sun.Star
Column: Davao, Kalingawan

PAKYAS ang Ang Babaeng Hinugot Sa Aking Tadyang nila ni Marian Rivera ug Dingdong Dantes nga labwan o tupngan ang ratings sa mga pilot episodes sa una nilang duha ka mga teleserye sa GMA nga Marimar ug Dyesebel.

Kini mao ang niguwang resulta sa Mega Manila Survey diin mipakita nga 32.9% lang ang ABHSAT sa ilang pilot episode.

Kung kahinumduman nga dihang gipagawas ang Marimar, mitala kini og 52.6% sa Mega Manila samtang ang ikaduhang serye nga Dyesebel, 44.6%.

Una nang gitagna sa pipila ka mga chismosa nga posibleng mohinay ang serye ni Marian ug Dingdong tungod sa isyung si Marian ang hinungdan sa breakup nila ni Dingdong ug Karylle.

Sumala pa nga sa maong chismis, daghan ang na-turn off kang Marian sa intriga nga nadugangan pa mga negatibong writeups batok sa aktres.

Hinuon, bag-ohay pa lamang, nangayo na og pasaylo si Marian sa press ug sa mga fans nga nasakitan niya. Siya nangayo og pasaylo sa tanan nga nasuko kaniya bisan tinuyoan o di tinuyoan ang iyang nahimong sala.

Apan bisan pa man sa maong effort ni Marian, daw wala gihapon nausab ang nega nga tan-aw sa publiko ngadto sa aktres.

Kung nakunhuran ang mga negatibong isyu kaniya, wala nakunhuran ang nega niyang imahe ngadto sa publiko. Ganun?

Well, may mga chika sab nga ang pakigsampok ni Marian sa Tayong Dalawa nila ni Kim Chiu, Gerald Anderson ug Jake Cuenca sa ABS-CBN ang usa sa rason sa gamay'ng ratings sa ABHSAT.

Ang Tayong Dalawa, una nang naka-harbat sa taas nga ratings bisan sa unang episode pa lamang niini bisan sa Mega Manila nga iladong balwarte sa GMA.

Sa maong kaso, napamatud-an lamang niini nga may kausaban gayud ang taste sa mga manan-away.

Naa pa kaha'y chance nga motaas pagbalik ang ratings nga naandan na kang Marian?

Source: Sunstar Daily