Erap-Ai Ai movie, hindi na matutuloy Sharon, pasok sa movie ni Samuel Jackson

Author: Jojo Gabinete
Column: The Source

Maraming salamat kay Ash Ketchum, ang loyal reader ng Abante na US-based at madalas na nagpapadala sa amin ng impormasyon na may kinalaman sa showbiz.

Sa latest email sa amin ni Ash, ibinalita niya na kasama sa cast ng Soul Men ang half-Filipina actress na si Sharon Leal. Si Samuel Jackson ang bida ng pelikula.

Lumabas din noon si Sharon sa Dreamgirls. Siya ang gumanap na replacement ni Effie White (Jennifer Hudson) sa pop group ng The Dreams.

Pilipina ang ina ni Sharon at African-American ang kanyang ama. Master Sergeant sa US Air Force ang adoptive father niya na si Jesse Leal na naging police officer din noon sa Clark Air Base.

Si Ash ang nagbalita sa amin tungkol sa guesting ni Charice Pempengco sa Good Morning America nitong nagdaan na linggo.

Nagkaroon si Charice ng mini concert sa sikat na morning show nina Diane Sawyer at Robin Roberts.

Muling nakaramdam ng pagmamalaki ang mga Pilipino dahil nagiging sikat na si Charice sa Amerika. Isa lang ang reklamo nila, nakakaramdam na sila ng sawa sa mga paulit-ulit na kanta ng young Filipina singer.

Hindi raw nila masisisi si Charice dahil siguradong si David Foster ang pumipili ng mga kinakanta niya.

Mahaba ang artikulo tungkol kay Charice na lumabas sa website ng Good Morning America:

“Charice Pempengco, 16, is diminutive in size but her voice is
anything but. Her pipes have drawn comparisons to iconic singers such as Whitney Houston and Celine Dion.

“And Pempengco already has proved she can belt out a power ballad with the best musicians.

“She reminds me of Celine when I saw her singing in a tent when she [Dion] was 18,” said mega-producer and 15-time Grammy winner David Foster.

“Foster, who has worked with a bevy of musical heavyweights like Josh Groban and Brian McKnight, was wowed by Pempengco's performance during an all-star tribute to him that will be available on CD and DVD next month.

“Foster made one of Pempengco's dreams come true as part of the “Hit Man: David Foster and Friends,” which was recorded live.

“I told Celine [when she's younger] that she would sing with Barbra Streisand. And I told Charice she would sing with Celine,” Foster said today on “Good Morning America”, where Pempengco performed live.

“Together, at the live performance, the vocal powerhouses belted out one of Dion's biggest hits, to the crowd's amazement.

“The teen credits her mother with her musical gift and said she has been singing since she was 4 years old. Pempengco has been featured on the “Oprah Winfrey Show” and now is preparing to become an international sensation.
***

Nabigo ang mga reporter na mainterbyu si Cheska Garcia tungkol sa kasalukuyang sitwasyon ni Patrick Garcia at ng ex-girlfriend nito na si Jennylyn Mercado.

Image model si Cheska ng Petit Monde at sa press launch nito, tumanggi si Cheska na magsalita tungkol kina Patrick at Jennylyn.

Naintindihan ng mga reporter ang desisyon ni Cheska. Hindi matatapos ang isyu kung magbibigay siya ng opinyon.

Image model din ng Petit Monde si Jodi Sta. Maria. Sina Cheska at Jodi ang nag-welcome kay Carmen Soo bilang newest endorser ng Petit Monde o PM.
***

Sina former President Joseph Estrada at Senate President Juan Ponce Enrile ang mga special guest ni Navotas City Mayor Toby Tiangco sa birthday celebration nito noong Biyernes, November 21.

Sinaksihan nina Erap at Enrile ang inauguration ng bagong sports center ng Navotas City. Maraming tao ang dumating sa birthday lunch ni Mayor Tiangco. Hindi na kami nagkaroon ng pagkakataon na makausap si Erap kaya wala kaming nakuhang sagot sa balita na hindi na matutuloy ang pelikula na pagtatambalan nila ni Ai Ai delas Alas.
***

Malaki ang iginanda ng Starstruck Avenger na si Jade Lopez. Hindi kaagad nakilala si Jade ng entertainment press nang ipakilala siya bilang cast member ng Luna Mystika.

May nagbago sa mukha ni Jade. Halata na nagpatangos siya ng ilong. Hindi nagkamali si Jade sa desisyon nito na sumailalim sa rhinoplasty procedure dahil lalo siyang gumanda.

Walang masama sa pagpaparetoke ng mukha at katawan, basta huwag sobra. Isang aktres ang naging obsessed sa pagpapabago ng mukha, pero imbes na gumanda, nag-deteriorate ang kanyang itsura.

Source: Abante