Gerald sa panliligaw kay Pauleen: 'Kung totoo 'yon, dapat kumalat agad'

Author: Nel Alejandrino
Column: Tattle

ACTUALLY, reluctant na si Gerald Anderson to talk about the issue tungkol sa diumano'y tangkang panliligaw niya kay Pauleen Luna, taga-GMA-7, na 'di, wika nga, nagkaroon ng closure.

But since, paliwanag namin sa kanya, nakalkal muli ito when Pauleen submitted to an interview sa Showbiz Central, he might as well say his piece.

And for the nth time, Gerald denied that there was an attempt on his part na ligawan si Pauleen.

He also denied na pinasyalan niya ito sa Eat Bulaga para dalhan ng pagkain.

"Kung totoo po 'yon," ani pa ni Gerald, "'di ho ba dapat isyu 'yon na dapat kumalat kaagad?

"And I would not have denied it. "

Exactly three years na pala si Gerald sa showbiz and he has accomplished quite a lot na rin. Career-wise, lalo na.

For him, malaking accomplishment itong nagkaroon siya ng tv series, Tayong Dalawa, na 'di lang ini-air sa primetime, kung hindi nagta-top din sa rating.

'Di nga ba't he's getting good reviews for his role bilang anak sa labas na ang best friend (played by Jake Cuenca) ay his own half-brother?

"Jake and I, pati na rin si Kim (Chiu, their leading lady), have no choice but to deliver. Hindi biro ang makatrabaho ang senior performers tulad nina Anita Linda, Helen Gamboa, Gina Pareño, Agot Isidro at Cherry Pie Picache.

"Kay Tita Cherry (who plays his mom), nanginig ako sa nerbiyos when I first had my scene with her. Ito 'yung nagkaroon kami ng argument.

"But I love working with all of them. Mas higit pa sa workshop, marami akong natutuhan from them," susog pa ni Gerald.

* * *

Inamin ni Gerald na MU (for mutual understanding) sila ni Kim. And, so far, satisfactory naman ang kanilang relasyon.

Ayaw niyang isipin how serious their relationship will go. He plans to settle down daw when he's 30 or 35.

Kasama ba si Kim sa plano niya for his future?

"Sa ngayon, wala akong hakbang na ginagawa, maging tungkol man sa aking personal o professional life na 'di alam ni Kim.

"Halimbawa, when I decided to have my house built, she was the first one I informed, aside from my mom and dad.

"Kasama ko siya kapag pinapasyalan ko ang bahay habang kinu-construct ito," pahayag ni Gerald.

He said he had hoped na makalipat sa bago niyang bahay ngayong birthday niya. Pero, 'di pa raw ito gaanong tapos.

Except for a bed, wala pang furnishings ang bahay.

A three-bedroom affair, the house sits on a 368- square meter lot.

Ang loteng okupado ng bahay ay more or less 200 square meters. Kaya, wala raw itong swimming pool, pero may garden.

Located ang bagong bahay ni Gerald sa isang plush and hilly subdivision in Quezon City .

He's in good company, aniya, since he has for fellow homeowners Cesar Montano, Aiko Melendez. Bayani Agbayani and Direk Wenn Deramas.

Right now, Gerald is staying with his American dad (his mom is a Filipina from GenSan), now on vacation from Missouri, USA, in the latter's condo unit in Makati.

* * *

Asked if he already knows that he is being eyed to play Sarah Geronimo's leading man in her next movie after You Changed My Life, ang sagot ni Gerald: "'Di pa ho ako nasasabihan ng Star Magic.

"Ang alam ko, my first movie this year will be with Kim. "

Source: People's Tonight