Related Celebrities

Gitawag og pangit: Marian, mitalak?

Author: Sun.Star
Column: Davao, Kalingawan

NAGSUGOD sa blind item apan ginganlan na sa pipila nga si Marian Rivera daw ang na-tsismis nga sikat nga aktres nga nanalak sa usa ka fan gawas sa usa ka coffee shop.

Ang makabuang, kini tungod daw kay gitawag ang aktres nga "pangit."
Sumala sa chismis, nangape daw ang aktres kauban ang na-tsismis niyang jowa nga usa ka actor (nga gituohang si Dingdong Dantes).

Sweet daw kaayo sila sa coffee shop nga timailhan gayud nga super mega over uyab sila.

Paggawas daw sa duha nga super sweet sa coffee shop, may nag-dialogue daw og "Marian, ang pangit mo!"

Didto na daw miinit ang dalunggan ni Marian ug gilingi ang misulti niini - giduol pa daw.

"Ano? Anong sabi mo? Sino'ng pangit? Nananahimik ako, tapos babastusin mo ako?" dialogue daw ni Marian sa mitawag kaniya'g 'pangit.'

Sey pa nga nagtaray daw to the highest level ang aktres nga daling gibira sa aktor nga iya daw'ng karelasyon karon.

Sey pa nga niduol na daw ang guard sa coffee shop aron lamang mauwang ang aktres ug ang nakaaway niining babaye.

Dugay nang na-tsismis og sama niini si Marian apan gibutyag kaniadto sa aktres nga tinuod lamang daw siya'ng tawo ug di daw siya bastos ug palengkera. Iyang gidepensahan ang kaugalingon ug nagsulti nga di sab daw siya pa-piri pag siya na ang bastuson.

This time kaha, angkunon ni Marian ang maong intriga?

Well, unta dili true tungod kay siguradong maukay na sab ang karakter sa actress sa nahisgutang intriga.

Source: Sunstar Daily