Greta 'loka-lokahan,' gihataga'g trabaho

Author: Sun.Star
Column: Davao, Kalingawan

GIANGKON ni Gretchen Barretto nga gituyo sa iyang partner nga si Tony Boy Cojuangco nga hatagan siya og trabaho sa gipanag-iyahan nga TV network, ang TV5.

Kini aron daw maundang na ang iyang pagloka-lokahan.

At least, isip usa ka host sa bag-ong game show nga 'You And Me Against the World,' may ka-busyhan siya ug dili siya bisan asa magsige og laag-laag ug sige'g sukol sa mga intriga.

Karong November 23 ang first episode sa gameshow ug makaloka ang iyang guest. Si John Estrada ang usa sa iyang celebrity guests.

Nahimong sumsuman si john ug Gretchen last year human mikatag ang ilang kissing photos.

Ang pag-guest ni John sa iyang show, usa gayud ka timaan nga nahuman na ang isyu kanila ug nibalik na sab ang ilang panaghigala.

Una na nilang gisulti nga wa sila'y relasyon ug ang mga litrato nila samtang ga-halok, kabahin lang daw kadto sa ilang tripping atol sa birthday party ni Rufa Mae Quinto.

Anyway, ang concept sa game show ni Greta, daw sama sa 1 vs. 100 apan giingon nga manghatag daw si Greta og P1M per episode. Bongga!

Cassandra nagpalaway lang

WA'Y plano nga mag-'all the way' sa pagpa-sexy ang kanhi Pinoy Big Brother housemate ug 'Kool Chx' member nga si Cassandra Ponti.

In short, palaway lamang ang iyang drama ngadto sa kalalakin-an sa November issue sa Playboy Magazine, Philippine Edition.

Matud ni Cassandra nga artistic shots lamang ang iyang gitugtan nga makuha kaniya ug never niyang gipakita ang iyang nipple ug ang 'ganghaan.'

Sumala niya, private parts na niya kadto ug di na niya kini buot pa nga ipakita sa public.

Si Cassandra, bisan pa man og di kaayo daghan og projects, pasalamat gihapon siya sa ginahatag nga exposures sa ABS-CBN since wala gihapon siya mawala sa sirkulasyon.

Una pa man nahimong model ug nagpa-sexy si Cassandra, nakahuman siya og college sa St. Mary's College sa Tagum City.

Nihuman siya sa kursong Bachelor of Arts in Economics.

Anyway, since naka-eskwela siya sa Catholic School, conservative gihapon daw ang iyang pagpa-sexy.

Mao nga karon, maglaway lamang ang kalalakin-an kang Cassandra apan wa gayud daw sila'y masilip gikan kaniya.

Imagination lang ba ang magdako? Syaks!

Source: Sunstar Daily