| | Gretchen Barretto says she will surely miss Douglas Quijano Author: Julie Bonifacio Isa sa mga celebrities na nakababad almost every night sa burol ng yumaong talent manager na si Douglas Quijano ang controversial actress na si Gretchen Barretto. Kasalukuyang nasa ibang bansa si Gretchen when the sad news reached her. "Through Lucy (Torres-Gomez). Nag-text siya sa akin. And then, tinatawagan ko si Lucy hindi ako maka-connect. And then, tinext ko si Lucy. Sabi ko, 'Girl, please call me.' Akala ko si Lucy nandito sa Manila. ' Yun pala Lucy pala is in San Francisco. So, si Lucy ang nag-text sa akin," umpisa ni La Greta noong makausap ng ABS-CBN.com sa wake ni Douglas last week. According to a close friend of Douglas, dapat daw dadalaw si Gretchen sa yumaong talent manager sa bahay niya sa Lucban, Quezon kung saan natagpuan ang katawan niya sa loob ng kanyang kwarto. " Oo nga, pero hindi matuluy-tuloy kasi I think we were all gonna go, lahat. Hindi ako natuloy for some reason. I think I have a mall tour or something noon, e. Pero matagal na kasi parati si Dougs doon, niyaya kami doon." Anong loss ang nararamdaman niya ngayon? "Alam mo, parang siguro ang hindi ko pa napi-feel. Siguro mas mapi-feel ko kapag meron ako'ng propblema at hindi ko siya matawagan. Right now kasi ang daming nakapaligid. Ang daming nand'yan, 'yun 'yung mami-miss ko." Anong mami-miss niya kay Douglas? "Well, mami-miss ko siya kasi kanina nagre-reminisce kami nina Joan Maglipon. Kasi meron kaming drinking night sa bahay nina Goma noon, a long time. Two years ago. Mami-miss namin 'yung.. ako I'll miss his laughter. Parang lahat ng sasabihin ko, lahat ng kwento ko pinagtatawanan niya. 'Yun mami-miss ko. He's a good listener. Lahat ng gusto mo'ng ikwento sa kanya nakikinig siya at hindi lumalabas." Right after the mass nu'ng unang gabi na dumalaw si Gretchen sa burol ni Douglas, grabe ang hagulgol niya. " Kasi hindi ko maiyak 'yung nalaman ko 'yung news. Hindi ko maiyak. Parang all this time parang hindi ko maiyak. Dumating ako from Singapore yesterday morning , wala ako dito. And then, hindi ko siya, somehow hindi ako makaiyak when I found out. Pero parang hindi ako makapunta sa wake lalo na 'yung nalaman ko na wala pa sina Goma. Parang kaninang umaga (Lunes) lang sila dumating. Parang ayaw ko'ng pumunta. Natakot ako. I guess I couldn't face his body, ganyan. So, parang today, hindi lang ako nakaiyak. Tapos bigla na lang nakita ko sina Joan. Kasi 'yun 'yung time na palagi kami magkasama. Mami-miss ko talaga 'yung laughter niya. Kapag tumawa siya 'yung talagang halakhak 'di ba? Uhm, 'Yung matatawagan mo siya kapag may problema ka. Kapag meron ako'ng problema. Kung may intriga, kung anuman 'yung nararamdaman ko, tumatawag siya. Yung nami-miss ko 'yung occasional call. Mahilig siya kasi tumawag sa akin tapos sasabihin niya, 'O, kumusta ka na?' Kinukwento ko nga sa kanila alam mo kung tumawag 'yang si Tito Dougs parang ten seconds lang. 'O, how are you?' Parang ganu'n lang siya. 'I'm fine.' ' Ano'ng balita?' Sabihin mo wala naman. "Oo, ok. Bye.' Biglang wala na siya sa telepono. Parang 'pag binilang mo, wala pa'ng ten seconds." Hindi naman inaasahan ni Gretchen na sa burol din ni Douglas tuluyan silang magkakabati ng dati niyang kaibigan na si Nadia Montenegro. Kinalimutan na raw niya kung anumang merong sila na 'di pinagkakasunduan ni Nadia noon. Pero hindi raw niya alam kung ano pa ang mangayayari sa mga susunod na araw. "Sabi nila, lahat ng nangyayari may dahilan. Naniniwala ako d'yan. Kaya lahat ng ito, lahat nang nangyari okay sa akin," tapos ni Gretchen. Source: ABS-CBN Interactive |
|
