Related Celebrities

Heart, nai-stress sa harap ni Sharon!

Author: Jun Nardo

HALATA ang sobrang kaba kay Heart Evangelista nu'ng sabay namin silang ma-interview ni Sharon Cuneta sa shooting ng Mano Po 6: My Mother ng Regal Entertainment.

Si Sharon naman, patawa-tawa lang sa tabi ni Heart, na parang sinasabi kay Heart, na huwag siyang kabahan.

Pero, ano nga ba ang naging reaksyon ni Sharon na sa unang paghaharap nila ni Heart ay natulala at ninerbisyo nang husto ang huli?

“Hindi siya dapat nerbyusin. We will have fun together and enjoy kahit medyo mabigat 'yung ibang eksena. Like what I've said, Heart is beautiful and I've seen some of her movies.

“She's had several hit movies and she knows how to act. She fits the role perfectly. Ang ikinatutuwa ko, she'll show acting chops na kakaiba sa lahat ng movies na kanyang ginawa. And I'm very proud that she has a movie with me,” sagot ni Sharon.

Eh, si Heart ba ay handang pasampal kay Sharon?

“Yeah!” matipid na sagot ni Heart na tila hiyang-hiya pa rin sa megastar.

“Trabaho namin sa showbiz 'yon. Kahit bugbog ka, okey lang! Ha! Ha! Ha!

Kahit ako (handa na magpasampal)!” sambit naman ni Sharon.

Sa eksena nga pala nina nina Sharon at Dennis, ipinakita na binabayaran ni Sharon ng milyon si Dennis, para layuan lang ang anak niya na ginagampanan nga ni Heart.

Sa totoong buhay ba ay kayang gawin ni Sharon `yon? Na bayaran ang isang lalaki para layuan lang ang anak niyang si KC Concepcion?

“No! It's too much money! Ha! Ha! Ha!

“No one can be worth that much! Bakit naman? Puwede ko naman siyang bigyan na lang ng ticket! Ha! Ha! Ha!

“Na mura-mura! Ha! Ha! Ha!

“But really, as a parent, you just want you're child to be happy! Basta hindi ka nagkulang sa paalala, you don't hold naman their lives, 'di ba?

“Kung anuman ang desisyon nila, basta hindi ka nagkulang sa paalala, you will love your child unconditionally!

“I can't do that in real life, unless talagang walanghiya siya! Then, hindi ko siya ooperan ng pera. Sasabihin ko lang sa kanya, 'You want to live or no more?' Ha! Ha! Ha!” natatawang paliwanag ni Shawie.

Bagay na bagay raw kay Heart ang role niya dahil rebelde rin ito sa tunay na buhay?

“Gusto ko nga 'yon dahil hindi ko na-experience! Ha! Ha! Ha!

“Pangit kung ngayon ako nag-start! That time nga, nagpakasal agad ako!

Ha! Ha! Ha!” iglap na sambit ni Sharon.

“Nakaka-relate nga ako sa role ko bilang rebelde dahil once upon a time nagawa ko 'yon! Ha! Ha! Ha!” hirit din naman ni Heart.

Teka, ano naman ang feeling ni Heart na si Sharon pa mismo ang nakaisip na maging anak niya sa MP6?

“Baka i-hate nila ako! But in the end, it's really nice.

“Thank you! Whew! Mainit talaga. Parang nakaka-stress! I really don't know what to say. Usually, I am good with words!” say ni Heart.

Inglesera raw kasi si Heart, kaya 'yun ang naging lamang niya sa ibang aktres na pinagpilian?

“Oo nga, eh! Ha! Ha! Ha!” maiksing tugon ni Heart.

Ano naman ang impression ni Heart kay Sharon bago niya ito makaharap?

“When I was a kid, in a studio, I saw Ms. Sharon na may pictorial. I think, with Robin Padilla 'yon. I was really young and I will never forget na sabi niya sa akin, 'You're such a cute girl!'” kuwento ni Heart.

“See? I didn't know that!” sabad ni Shawie.

“Eh, uso pa that time 'yung glass na may flowers? I remember that!” pag-alala pa rin ni Heart.

“Ha! Ha! Ha! Ang dami namang puwedeng maalala ni Heart, 'yun pa! Mabuti at hindi ko natanong kung niligawan ba siya that time! Ako kasi, natuto! Ha! Ha! Ha!” tawa nang tawang sabi ni Shawie bilang pag-alala sa nakaraan.

Aminado si Heart na Sharonian siya lalo na at producer din ng movies ang lolo niya. Sa resto nga ng kamag-anak nila, ang picture ni Sharon ang pinakamalaking nakadispley sa lahat ng artista.

Eh, ginampanan pa niya ang role ni Sharon sa TV version ng Ngayon at Kailanman kaya doble-doble ang kasiyahan ni Heart na makasama ang megastar sa MP6.

“I think she's perfect for the role. Everything works for the best! I like her!” deklara ni Shawie.

“Thank you!” hiyang-hiya pa ring sambit ni Heart.

Source: Abante