Hollywood celebrities midagsa sa Las Vegas

Author: Sun.Star
Column: Cebu, Kalingawan

NANGABOT na ang mga dagkong artista sa Hollywood sa Las Vegas alang sa gikahinamang "Dream Match" ni Manny Pacquiao ug Oscar dela Hoya ugmang adlawa, Dec. 7 (Philippine time).

Lakip sa tua na mao silang Sylvester Stallone, Bruce Willis, Russel Crowe, Mark Wahlberg ug ang magtiayong Mark Anthony ug Jennifer Lopez.

Tua na sad sa Las Vegas si Karylle nga maoy mokanta sa national anthem sa Pilipinas, ang ex niyang si Dingdong Dantes kauban ang iyang papa, si Bong Revilla, Lito Camo ug daghan pa kaayo.

Sama sa panahom sa welterweight champion nga si Ricky Hatton, daghan sa local showbiz ang nagtuo sad nga basta moabot lang og 12 rounds ug di matumba si Pacquiao, dakog purohan nga modaug ang atong People's Champ.

Naa say mga nag-ingon nga dako na kaayo nang garbo sa Pambansang Kamao nga maka­sugakod og 12 rounds bisan pag mapildi batok sa boxing legend nga si Oscar dela Hoya.

Ang fearless forecast sa Superbalita Laysho nga mapildi si Pacquiao pinaagi sa unanimous decision. Ang konsuwelo ra ni Pacman nga di siya ma-knockout ni dela Hoya.

Source: Sunstar Daily

Copyright © 2005 - 2009. Telebisyon.net. This article is a copyright property of Sunstar Daily. This page serves as an archived copy of the article written by Sun.Star. All rights reserved. No part of this website shall be copied or reproduced in any means possible without explicit permission from the owners.