Iza biglang naging sex-starved

Author: Pilipino Star Ngayon
Column: About Showbiz

Dumating si Iza Calzado sa Christmas party/presscon ng Regal para sa mga pelikulang Shake, Rattle, & Roll 9, Bahay Kubo at Desperadas, kung saan kasama siya sa cast.

Gugulatin ng actress ang fans niyang nasanay sa goody-goody role niya, dahil dito'y, sex-starved siya at kung anu-anong malalaswang salita ang lumalabas sa bibig.

First time nakasama ni Iza sina Ruffa Gutierrez, Marian Rivera, at Rufa Mae Quinto at puro positive ang sinabi niya sa tatlo.

Natuwa nga si Rufa Mae nang ipagtanggol niya't sinabing hindi ito nakikipag-agawan ng lalake, dahil ang mga lalake na ang lumalapit dito.   

 Nagsimula na ring mag-taping si Iza ng Joaquin Burdado na magpa-pilot sa February 11, 2008.

Nagulat ito't first day taping pa lang ay may kissing scene na sila ni Robin Padilla. Akala nito'y, breaking the ice muna ang kanilang gagawin, pero ini-expect at ready siya na may mga eksenang ganun dahil mag-asawa ang role nila sa action series.

* * *

For three years ang exclusive contract na muling pinirmahan ni Dingdong Dantes sa GMA Network at mananatili siyang Kapuso. After MariMar, asahan nang may kasunod siyang serye at matutuwa pa rin siya kung sila pa rin ni Marian Rivera ang pagsasamahin.

 Sa tsikang baka ang remake ng Rosalinda ang sunod nilang gawin, “sana nga” ang reaction ni Dingdong. Ayaw pa niyang mag-comment dahil wala pang sinasabi sa kanya ang network. Ang ipinaalam pa lang ay ang extension ng MariMar, kaya napa-“wow” sa tuwa ang actor. Lahat daw silang nasa cast at staff ay makikinabang sa extension nito.

Nalaman namin kay Dingdong na hindi nagbabasa ng diyaryo ang girlfriend niyang si Karylle, para hindi maapektuhan sa tsismis sa kanila ni Marian.

“We're still okay and it could be better if I have more time to spend with her. Sana ngayong Pasko, makabawi ako,” wish nito.

Masaya si Dingdong na na-aapreciate ng press ang big prizes na ipina-raffle niya at sa rami ng prizes, umabot pa sa second round. Nangako itong mauulit ang bong­gang Christmas party, bas­ta nagtuluy-tuloy ang magandang takbo ng kanyang career.

“First time kong nagbigay ng party for the press and I wanna make it big!”, sagot nito sa tanong kung bakit ginas­tusan niya ng malaki ang party.

Source: The Philippine Star

Copyright © 2005 - 2010. Telebisyon.net. This article is a copyright property of The Philippine Star. This page serves as an archived copy of the article written by Pilipino Star Ngayon. All rights reserved. No part of this website shall be copied or reproduced in any means possible without explicit permission from the owners.