Jason, ’di nakikialam sa TF

Author: Nitz Miralles
Column: Basta

Isa sa cast members ng Pieta ang Best Actor ng indie film na Endo, si Jason Abalos.

Tinanong itey ng yours truly kung nagtaas na ba siya ng talent fee?

“Hindi ko po alam (laughs). Hindi ko po pinakikialaman ang talent fee ko, eh,” natatawang pakli nitey.

Naku, Jason, dapat kang makialam para ’di matulad kina Joross Gamboa, Valerie Concepcion at Jennylyn Mercado na “niyari” diumano ng isang matagal nang staff ng manager ng mga itech na si Becky Aguila. Repeat, “diumano,” ha, tsuk!

Dumating din sa Pieta preskon ang mag-asawang Direk Carlo J. Caparas at Donna Villa.

Si Direk Carlo kasi ang may likha ng Pieta, na noon ay pinagbidahan sa pelikula ng yumaong aktres na si Charito Solis at yumao na ring action star na si Ace Vergel.

Sa Oct. 27, bibigyang buhay naman ito sa telebisyon nina Cherie Gil at Ryan Agoncillo.

“Nu’ng unang nakita ko ang trailer, sabi ko, bakit si Ryan, eh, takot ’yan kay Juday, pero nu’ng makita ko ’yung acting niya, sabi ko, ito ang babagay sa role ni Rigor. Magagamit niya ang tapang niya ngayon. Kailangan niya si Alfie (Lorenzo, Juday’s manager). “Ah, nagpapasalamat ako sa ABS-CBN at nagkabalikan kami sa pamamagitan ng Pieta,” ang ilan sa mga katagang binitawan ni Direk Carlo sa privilege speech during the Q&A portion.

“Direk, ikaw na ba ang masasabing pinaka-masuwerteng nilalang sa balat ng telebisyon ngayon because you’re having the best of both worlds sa Kapamilya at Kapuso Networks with Gagambino and Pieta?” hirit na tanong ng yours truly.

“Pinakamasuwerteng lalaki sa balat ng lupa dahil nandiyan si Donna Villa, eh (laughs). Pero bilang pinaka-masuwerte, palagay ko, tatanawin kong pinaka- malaking utang na loob sa mga kaibigan ko sa media na mula sa komiks, sa pelikula, sa Siyete at sa Dos, nandiyan sila at tumutulong. Du’n pa lang, masasabi kong ako na ang pinakamasuwerteng tao,” sey ng butihing komiks novelist.

Incidentally, kasama rin sa Pieta si Lance Raymundo, na hindi namin nakilala dahil nawala na ang kulut-kulot nitong buhok.

Dati, napagkakamalan itong dyowa ni Madam Auring noon, si Archie, pero ngayon, astig na ang dating ni Lance, dahil sa skin-head look.

“Actually, nu’ng nagpakalbo ako, eto ’yung during the time na nakabalik ako sa showbiz, so, it’s not really a career move.

“Nagkataon lang na ganito ang itsura ko at mas madaling makakuha ng roles, pero personally, gusto ko lang mag-change ng image. Yeah, I know that showbiz image matters most,” katuwiran ni Lance, na sa Pieta ay hindi na mukhang singer, kundi astig na kontrabida.

Well, good luck to your new look, Lance, tsuk!

Source: People's Tonight

Copyright © 2005 - 2009. Telebisyon.net. This article is a copyright property of People's Tonight. This page serves as an archived copy of the article written by Nitz Miralles. All rights reserved. No part of this website shall be copied or reproduced in any means possible without explicit permission from the owners.