Kapuso, Kapamilya shows naka-award sa NY Festivals

Author: Sun.Star
Column: Davao, Kalingawan

TULO ka mga TV Programs gikan sa Pilipinas ang nakaharbat sa Gold World Awards sa International Television Broadcasting Awards sa 2009 sa gihimong New York Festivals.

Na-establisar niadtong 1958, ang NYF, usa ka International Awards Group (IAG) nga nag-ila sa labing nindot nga trabaho sa advertising ug television programming lukop sa kalibutan.

Kapuso awards

Ang GMA-7, miangkon sa Gold World Medal sa Coverage Category ni Jiggy Manicad sa 24 Oras ngadto kang Corporal Abeto.

Ang Q11, ang sister station sa Kapuso network, naka-angkon sab sa Gold World Medal Award alang sa Biography/Profiles Category for Inno Sotto: A Special Fashion Documentary.

Ang 24 Oras, miangkon sab sa Silver World Medal sa Best Newscast Category sa coverage niini sa "Lanao Attacks."

Samtang ang Reporter's Notebook nga "Pinays for Export: The Asian Sex Trafficking Trail" nakakuha sab og Bronze World Medal alang sa Best Public Affairs Program.

Ang Q Channel 11 programa nga 'Chef to Go' pinaagi sa "Pesco Vegetarian Meal" episode midawat sab og Bronze World Medal sa Magazine Format Category.

Nahatagan sab sa finalist certificates sa nagkadaiyang kategorya ang Joaquin Bordado alang sa Action/ Adventure category; Emergency nga "Jumper Kids/Battered Children" sa Social Issues/Current Events Category; ug I-Witness: "Crystal Mountain" sa Community Portraits Category.

Sa Q11 programs, nakuha sab ang finalist certificates sa 'The Sweet Life' sa Magazine Format Category; Ang Pinaka: "Ang Pinaka Sikat na Pinoy sa Internet" sa Magazine Format Category; News on Q: "Batasan Blast" sa Coverage of Breaking News Category; ug Draw the Line: "Ormoc Cult, Early Marriage and Trafficking" sa Social Issues/Current Events Category.

Kapamilya awards

Ang Bantay Bata 163 10th Anniversary Special nakadawat sab sa Gold World Medal sa New York Festivals. Una na sab kining naka-angkon sa Best Special Award sa 17th Golden Dove Awards sa Kapisanan ng mga Brodkaster ng Pilipinas (KBP).

Ang morning show nga 'Boy & Kris' nakaharbat sa Silver World Medal sa Talk/Interview.

Ang 'Mars Ravelo's Lastikman' diin gibidahan ni Vhong Navarro, naka-angkon sab sa Silver World Medal for Action/Adventure.

Si ABS-CBN Chief Correspondent ug News Anchor Korina Sanchez, gipasidunggan sab ug miangkon sa Silver World Medal sa Investigative Report bahin sa mga substandard nga food supplements.

Giila sab sa New York Festivals si Korina nga finalist sa Best News Reporter category.

Tulo sab ka Kapamilya shows ang nahatagan sa Finalist Certificates. Kini mao ang 'Kung Fu Kids' alang sa Children's Program; Wowowee sa Family Program, ug Rated K sa Magazine Format.

Source: Sunstar Daily