Related Celebrities

Karylle, target ni Jericho

Author: Sun.Star
Column: Davao, Kalingawan

MIGAWAS sa usa ka showbiz blog nga showbizjuice.com ang chika nga ginapanguyaban karon ni Jericho Rosales ang heart broken sab nga si Karylle.

Si Jericho pila ka buwan nang break kang Heart Evangelista (nga may new bf na) samtang si Karylle, break na sab kang Dingdong Dantes (tungod daw kang Marian Rivera).

Anyway, daw type karon ni Jericho nga may maka-share sa iyang gibati after sa ilang breakup ni Heart since gi-link siya kang Karylle.

Matud sa taho nga gilayong giharbat ni Jericho ang number ni Karylle sukad nasayran sa ulitawo nga mibalhin na sa Kapamilya ang dalaga.

Gani, since nakuha na ni Echo ang number ni Karylle, wa gayud daw niini gilung-an ang dalaga ni Zsa Zsa Padilla.

Ang maong chika, sukwahi sa mga ginasulti ni Jericho nga di sa siya manguyab karong panahona.

Gi-rason ni Echo sa di niya pagsulod sa laing relasyon mao ang subling pagpabangon sa iyang career nga gisugdan pinaagi sa seryeng 'Kahit Isang Saglit.'

Anyway, gawas kang Jericho, giingong nanguyab sab kang Karylle karon si Christian Bautista. So, may the best man win ang drama sa duha ka Kapamilya men?

Source: Sunstar Daily