Ken Zhu, type bumili ng property sa Batanes

Column: Basta
Author: Nitz Miralles

Nag-spoiler si Direk Gil Tejada sa mangyayari sa La Vendetta, na pilot na this Monday sa GMA-7, after Marimar.

First week pa lang, may mamamatay na sa main characters at magsisimula ang istorya noong 1999 up to the present. May flashback din noong 1982. Kahit mag-hit ang serye, 12 weeks lang ito tatakbo and by January 18, 2008, tapos na ito.

Happy si Direk Gil sa cast ng La Vendetta, na magagaling na'y professional pa. Kasama roon si Snooky Serna, na never pang na-late sa taping. Ang P. S. I Love You ni Sharon Cuneta ang theme song nito at si Jennylyn Mercado ang kumanta.

First time magkakasama sina Jennylyn, Jean Garcia at Sunshine Dizon at aktingan ang labanan nito. Ang description ng una sa Almira role ay biktima ni Amanda (Jean), na manipulative at mukhang pera. Weak at inaakalang baliw naman si Eloisa (Sunshine), at siya ang maraming boylet dito (Wendell Ramos, Luis Alandy at Paolo Contis).

Iniintriga si Sunshine na hindi niya solo ang La Vendetta dahil tatlo silang lead dito, pero ang sagot nito, hindi mabubuo ang suspense serye kung siya lang. Mas iniintindi nito ang role ni Eloisa dahil mahirap i-acting ang baliw na may kinatatakutan.
* * *
Bumalik na sa Taiwan si Ken Zhu last Saturday na happy sa working experience niya with Filipino actors and filmmakers na nakasama sa Batanes: Sa Dulo ng Walang Hanggan.

"Paradise" ang tingin nito sa Batanes at na-in-love sa lugar. Balak daw nitong bumili ng property doon. Libre siyang nakagagala at nagmumotorsiklo na walang paparazzi na humahabol.

Nakipag-bonding ito sa cast ng movie, "Uncle Bembol" ang tawag kay Bembol Roco at love ang mga bading staff. Love pala ni Ken ang standard songs at alam lahat ang kanta ng Carpenters. Wala rin itong arte sa pagkain at lahat ng ihain ay kinakain.

Ikinuwento nito kay Lhar Santiago na tinuruan siyang umarte ni Iza Calzado at sinuportahan siya. In return, tinuruan niyang mag-tai chi ang kapareha and in fact, kagagaling niya ng Basque, Spain, kung saan he won in a tai-chi competition.

Ibinuking nitong ayaw noong una ng management niya na tanggapin ang offer, pero nagustuhan niya ang project nang mabasa ang script.

Babalik daw sa November 6 si Ken dahil may eksena pang naiwan at muling babalik to promote the movie, na showing sa Nov. 28.
* * *
Starstruck si Matt Evans sa mga artistang kasama sa Princess Sarah ng ABS-CBN, na sa November 12 na ang premiere.

Binanggit nito sina Ai-Ai de las Alas, Albert Martinez, Sheryl Cruz, Melissa Ricks, Candy Pangilinan, Carlo Aquino, Jamie Fabregas, Bubbles Paraiso at Diether Ocampo.

Si Sharlene San Pedro ang gaganap na bagong Princess Sarah sa direksyon ni Don Cuaresma. First primetime show niya ito, kaya excited.

Bida rin si Matt sa Engkanto episode ng Shake, Rattle & Roll 9, kung saan sa first shooting day ay na-late siya ng six hours dahil may taping sa Tanay at sa Puerto Azul ang shooting.

Nag-sorry siya sa cast at kay Direk Topel Lee at nangakong 'di na mauulit.
Okey daw kasama sina Mart Escudero at Jewel Mische ng GMA-7, pero wala pang makuwento kay Katrina Halili dahil wala pa silang eksena. First movie ito ni Matt at pang-Metro Manila Film Festival pa.
* * *
Magaling na nga si Ely Buendia dahil nakapag-record ang banda nitong Pupil ng bagong album na Wildlife. Ang Sala ang carrier single ng 12-track album at kasama rin ang Set Me Apart.

Sa November 9 ang grand launch sa Eastwood Central Plaza, hatid ng Red Horse, Dador Metal Craft, Magic 89. 9 at Sony BMG Music Entertainment.

Sa presscon kamakailan, ipinakilala ang bagong member ng banda na si Wendell Garcia (drummer) at siya na ang kasama nina Ely, Dok Sergio (bass, vocals) at Yan Yuzon (guitars, vocals).

Malalim ang rason ni Yan kung bakit ganu'n ang title ng second album na tungkol sa buhay.

Sa pangungumusta ng press sa kanyang health, heto ang sagot ni Ely: "My heart is doing well, okey na siya. Sabi ng doctor, iwasan ko lang ma-stress at mga hayup (meat). Nagda-diet ako, exercise, bawal ang fatty foods, cholesterol at smoking. Bago ang heart attack, I was on the way to changing my life style. "

Very proud si Ely sa bago nilang album dahil hindi lang sila ang sumulat ng mga kanta. Ang Fin, Bato at Set Me Apart ay komposisyon ng wife niyang si Diane Ventura, at ang huli ang theme song ng Animax channel. Tinutugtog ito during gaps at kasama sa station ID at palabas all over South East Asia.
* * *
Tuloy ang pangdededma ni Bella (Marian Rivera) kay Sergio (Dingdong Dantes) sa Marimar at lahat ng regalo nito'y pinababalik at may restraining order pa na bawal siyang lapitan.

Sinusundan na lang nito ang asawa at du'n niya nakasalubong si Corazon (Manilyn Reynes) na may importanteng sasabihin sa kanya.

Source: People's Tonight