Kuh Ledesma, naimbyerna sa Celebrity Duets

Author: Aster Amoyo
Column: Rated A

Nag-deny na si Bi­boy Ramirez na siya ang ama ng ipinagbu­buntis daw ng sina­sabing girlfriend niya, ang ultimate winner ng StarStruck 3 ng GMA-7, si Jackie Rice. Unang-una, hindi raw totoong buntis si Jackie at may communi­ca­tions daw naman sila nito kahit hindi sila madalas nagkikita.

Nasa Olongapo raw kasi si Jackie at siya naman ay nasa Manila. Pumupunta raw la­mang ng Manila si Jackie kapag may TV guesting ito tulad noong nag-guest ito sa Maynila.

* * *

Totoo bang nainis daw si Kuh Ledesma nang matalo si Wyn­gard Tracy na siya ang ka-duet two Sat­urdays ago sa Celeb­rity Duets?

Kung alam daw lamang niyang by text votes ang pananalo roon, sana raw ay hindi na lamang siya puma­yag na makipag-duet kay Wyngard.

Hindi kaya siya na­sabihan bago siya pu­mayag makipag-duet kay Wyngard?

* * *

Nakikiusap ang StarStruck 4 Avenger na si Stef Prescott sa mga fans na iboto siya as Miss Internet­world. Hindi nga raw ito nor­mal beauty contest, kundi ang pa­nalo niya, sa pa­ma­magitan ng text votes.

Siya ang represent­ative ngayon ng Phil­ippines na unang pinanalunan ni Car­lene Aguilar, at ka­laban niya ay rep­resentatives ng 135 countries around the world.

Sasamantala­hin nga raw niya na may mall shows at radio tour sila ngayon to promote their youth-oriented show sa GMA-7, ang Boys Nxt Door, na mai-request niya sa mga manonood sa kanila na iboto siya.

Pero ang pagboto raw ay magsisimula pa sa November 4 up to November 9 lamang. Bumoto raw sa pama­magitan ng dwww.miss tourismworld.com.

* * *

Sa Friday, October 19, ang Erik Santos.... Solo at the Coliseum 2007 at ngayon pa lamang, may halong excitement at nerbyos na kay Erik dahil 22 songs ang kakantahin niya, solo at with his guests Sam Milby, The CompanY, Nyoy Vo­lante, Danita Paner at Ms. Aiai delas Alas. Promise ni Erik na ma­gugustuhan ng mga manonood ang kan­yang concert.

May dance number daw siya, pero sagot niya sa tanong kung magpa­pa-sexy siya sa pag­sayaw niya, hindi raw naman, basta titiyakin lang niyang maganda ang number na iyon.

Sa tanong sa kanya kung sold out na ang concert tickets niya, hindi raw siya nakiki­alam sa sales ng tick­ets dahil napi-pressure siya, pero ang sabi raw sa kanya, okey ang sales ng tickets.

Pagkatapos ng con­cert, haharapin daw na­man niya ang launching ng kanyang first Christmas album, ang “All I Want This Christmas” na isang composition ni Louie Ocampo for Star Records by the end of October.

Thankful din siya dahil may isang Christ­mas song na ginawa para sa kanya ang international singer na si Jim Brickman, ang “Christmas Is”. Pero bago raw matapos ang taon, isa pa ulit studio album niya ang iri-release ng Star Records.

Source: Pilipino Star Ngayon

Copyright © 2005 - 2010. Telebisyon.net. This article is a copyright property of Pilipino Star Ngayon. This page serves as an archived copy of the article written by Aster Amoyo. All rights reserved. No part of this website shall be copied or reproduced in any means possible without explicit permission from the owners.