Magazine editor, tinarayan ni Marian!

Author: Nel Alejandrino
Column: Tattle

HOY, Ian F. , 'di raw kaya utak-bata (repeat, utak-bata, 'di biya, 'yung maliliit na isda, ha) lang si Marian Rivera kaya ginagawa ang mga kontrobersiyang 'ipinapatong' sa kanya?

After all, Child Psychology nga naman ang kursong tinapos niya sa De La Salle University (Dasmariñas, Cavite).

For a while pa nga, in an interview, she revealed that she worked for a center for special children.

But then, she was discovered for showbiz by APT Entertainment producer Tony Tuviera (the man behind Eat Bulaga). Hence, life was never the same for her again.

Marian is currently the toast of GMA-7. Thanks to her two successful teleseryes, Marimar and Dyesebel.

Pero, aminin man o hindi ni Marian, kaakibat nga ng kanyang tagumpay ay ang 'di magagandang 'usapin' tungkol sa kanya.

So, will the real Marian Rivera please stand up?

* * *

As we've said in our previous column, wala pa namang ginagawang 'kasalanan' sa amin si Marian.

Na hindi kataka-taka, considering na bihira namang mag-cross ang aming landas. Mas higit kasi naming nakakasalamuha ang mga artistang taga-ABS-CBN.

Eh, si Marian is GMA-7 talent.

In any case, are we glad that we don't know Marian too well?

We knew na magiging big star siya nang ipagkatiwala ng GMA-7 sa kanya ang Marimar. GMA-7 did right by choosing Direk Joyce Bernal to meg the series.

Hindi lang dahil Direk Joyce happens to be one of the best directors of her generation but because she is simply bursting with ideas and enthusiasm para ma-prove that she has what it takes to be considered a director to reckon with. The kind that she is now.

Dalawa sa pelikula niya for Viva Films remain to be the film outfit's biggest moneymakers. These are Pangako. .. Ikaw Lang and Dahil May Isang Ikaw.

Sayang, dahil in our conversations with Direk Joyce, we never asked her tungkol sa working relationship niya with Marian.

* * *

In any case, an editor of an entertainment magazine shared with us his most unpleasant experience with Marian.

Nasa bahay daw sila ng aktres at may usapan ng in-charge sa produktong ini-endorse ni Marian na kukunan ng retrato ang aktres para i-cover sa magazine nila.

Somehow, nagkaroon na siya ng sign na may hindi magandang karanasang naghihintay sa kanya at sa kanyang mga kasamahan when after an hour of waiting, 'di pa rin lumalabas si Marian sa room.

Someone sa group asked the maid kung ano ang ginagawa ni Marian at natatagalang lumabas.

"Natutulog pa ho," ang mabilis na sagot ng katu.

* * *

Nang finally ay 'lumutang' si Marian, halatang galing daw ito sa tulog. Ganunpaman, ayon sa editor, maganda talaga si Marian kahit bagong gising.

Heto na ang 'highlight' ng kanilang araw with Marian. Since dapat ay kunan din si Dingdong Dantes (dahil partner sila sa ad ng produkto), ang tanong ng aktres sa editor: "Eh, si Dong, nakunan (na ng retrato)?

"Opo," ang maliksing sagot nito.

Siguro, kuwento ng editor, mababa ang kanyang boses, kaya 'di narinig. Kaya, inulit ni Marian ang tanong. Sinagot niya ito uli ng 'opo. '

Nagulat daw siya, when in a voice na maririnig sa buong sala ng bahay, Marian told him, na nakaturo pa ang isang kamay sa mukha niya: "Sa susunod, kapag sinasagot mo ang tanong, huwag mong pinalalabas sa ilong ang sinasabi mo. "

Source: People's Tonight