Manny: Wala'y malisya

Author: Sun.Star
Column: Davao, Kalingawan

TUNGOD kay kanunay na lamang siyang malambigit sa iyang mga leading ladies, giklaro na karon pa lamang daan ni Manny Pacquiao nga wala siya'y gusto o crush sa bag-o niyang makapares sa sitcom sa GMA nga si Marian Rivera.

Tug-an ni Manny, guwapa gayud kaayo si Marian, butang nga iyang gikabiliban sa dalaga apan wala gayud daw siya'y pinahiping pagbati dinhi.

Sumala ni Manny, maora'g igsuon lang ang iyang tan-aw kang Marian ug never siyang magkagusto sa dalaga nga iya na karon ni Dingdong Dantes.

Tug-an sa Pambansang Kamao, malingaw siya kang Marian tungod kay talakera kini ug kanunay nga mohatag og kalipay sa set.

Gawas sa ka-guwapa, bilib sab si Manny sa ka-hawod moarte ni Marian.

Una nang nalambigit si Manny sa iyang mga naka-partner sa pelikula sama nila ni Ara Mina ug Valerie Concepcion.

Source: Sunstar Daily

Copyright © 2005 - 2009. Telebisyon.net. This article is a copyright property of Sunstar Daily. This page serves as an archived copy of the article written by Sun.Star. All rights reserved. No part of this website shall be copied or reproduced in any means possible without explicit permission from the owners.