Related Celebrities

Marian, kinabahan sa halik ni Mark!

Author: Ruel Mendoza

INAMIN ni Marian Rivera na kinabahan siya nang husto sa unang halikan nila ni Mark Anthony Fernandez sa Darna.

Ayon pa kay Marian, matagal daw siyang hindi nakipag-kissing scene sa ibang lalake maliban kay Dingdong Dantes na tatlong beses niyang nakatambal sa TV.

Kaya noong kunan ang unang kissing scene nila ni Mark, matinding kaba raw ang naramdaman niya.

“For the longest time kasi, si Dong lang ang nakaka-kissing scene ko, kaya kampante ako sa kanya. With Mark kasi, first time 'yon, kaya may adjustment talaga.

“Kahit naman si Mark, inamin niya sa akin na may kaba rin siya. So, pareho lang pala kami. So, mahirap pa rin palang gawin ng tama ang ganu'ng eksena kahit na pareho kami ni Mark na sanay nang makipag-kissing scene sa TV,” kuwento ni Marian.

Kaya bago raw nila ginawa ang eksena, nag-usap sila ni Mark.

“Nagtulungan na lang kami, kasi gusto nila na maganda lalabas at hindi halata na kinakabahan kami. Kasi dapat punung-puno ng emotion, lalo na sa role ko as Narda kasi nakapagdesisyon na ako na ipaglalaban ko ang pag-iibigan namin.

“Pero natawa lang kami ni Mark after ng take. As in, natawa kami sa isa't isa. Maganda 'yun para sa amin kasi nawala ang kaba namin at kung sakaling magkaroon ulit ng kissing scene, okey na kami na gawin iyon,” nakangiting sambit pa rin ni Marian.

Siyanga pala, nananatili pa ring number one sa primetime ang Darna, kahit marami pa ring walang kuryente sa iba't ibang lugar sa Metro Manila.

Source: Abante