Marian, magpabuntis

Author: Sun.Star
Column: Davao, Kalingawan

SUMALA sa tarot card, mamahimong si Dingdong Dantes na gyud ang maminyoan ni Marian Rivera.

Apan gibutyag sa aktres nga di pa andam nga maminyo. Daghan pa daw siyang commitments sa showbiz.

Tug-an niya, buot niyang makasal sa edad nga 29-anyos.

Sumala niya nga di na siya gusto nga maabot pa og 30 tungod kay posibleng maglisod siya og panganak.

Gusto daw niya nga 12 ang iyang mamahimong anak tungod kay nag-inusara lamang siya.

Grabe daw ang pagmahal nga ginabati karon ni Marian.

Ugmang adlawa, showing na ang pelikulang Tarot ni Marian diin niya kauban sila si Dennis Trillo ug Roxanne Guinoo.

Sa pikas bahin, daghan ang nakasaway karon kang Marian tungod sa matud pa, nanghinubrang public display of affection nila ni Dingdong Dantes nga chismis nga dyowa niya karon.

Sumala pa nga bisan asa mag-abot sila si Dingdong ug Marian, magsige sila og halok nga mura daw sila lamang ang mga tawo sa kalibutan.

Di daw kini maayong tan-awon ilabina kay gibidahan ni Marian ang Darna diin daghang mga bata ang nanan-aw.

Source: Sunstar Daily

Copyright © 2005 - 2009. Telebisyon.net. This article is a copyright property of Sunstar Daily. This page serves as an archived copy of the article written by Sun.Star. All rights reserved. No part of this website shall be copied or reproduced in any means possible without explicit permission from the owners.