Marian, memorable ang 25th birthday

Author: Sun.Star
Column: Davao, Kalingawan

NAGSAULOG sa iyang adlaw'ng natawhan last August 12 si Marian Rivera. Ang aktress gi-sorpresa sa pipila ka mga executives sa GMA 7, higala nga miduaw kaniya sa set sa Darna.

Bisan ang mga kaubanan ni Marian sa Darna nga walay taping sa maong adlaw miadto sa set aron personal nga matimbaya ang aktres.

Apan mas gihuwat sa tanan ang pag-abot ni special guy ni Marian nga si Dingdong Dantes.
No-show ang aktor sa set tungod may workshop kini kauban ni Rhian Ramos alang sa seryeng Stairway to Heaven.

Bisan og gipugos gi gyud motug-an si Dingdong kun unsa ang iyang regalo sa dalaga.

Pabilin nga 'secret' ang tubag niini.

Proud sab ang aktor tungod siya mismo sumala pa ang nagbalot sa iyang birthday gift alang sa dalaga.

Say sa mga tsikadora nga sunduon unta ni Dingdong si Marian sa taping niini sa Darna aron nga makapanihapon kadali.

Apan nakurat ang tanan dihang sayo nga nag pack-up si Marian atol sa iyang birthday aron maka-uban si Dingdong sa pag-celebrate sa iyang special day.

Tataw sa mga smiles ni Marian nga happy siya ug di malimtan ang iyang birthday celebration.

Nag dialogue pa kini nga "Basta, very memorable ang araw na iyun." Ngano kaha? Just asking.

Source: Sunstar Daily