Related Celebrities

Marian pang-TV lang ba?

Author: Sun.Star
Column: Davao, Kalingawan

HOW true nga hangtud telebisyon lamang ang kasikatan sa giingong rayna sa GMA nga si Marian Rivera?

Sumala pa nga kung TV lamang ang hisgutan, wa'y bisan kinsa nga wala makaila kang Marian tungod sa hit niyang serye nga remake sa 'Marimar' ug ingon man ang 'Dyesebel.'

Apan daghan ang natingala tungod kay bisan sikat na nga matawag si Marian, wa'y bisan usa sa iyang mga pelikula ang giingong mihakot to the max og salafi sa takilya.

Sey pa, na-ores pa siya nila ni Sarah Geronimo ug KC Concepcion sa box office nga mga pelikula last year bisan ang unang duha, di kaayo visible sa telebisyon sama kang Marian.

Usa pa sa mga pangutana, duha ka mga pelikula ni Marian sa Metro Manila Film Festival bag-ohay pa lamang, giingon nga giabug-abogan sa mga pelikula ni Ai Ai delas Alas ingon man nila ni Tito, Vic and Joey.

Gani, lakip sa gi-kuwestyon ang una nang gipanghambog nga dakong kita daw sa pelikula ni Marian uban ang iyang ka-loveteam nga si Dingdong Dantes kauban si Iza Calzado.

Kini tungod kay sa usa ka website, wa man gani kini makasulod sa Top 10 sa mga nangunang pelikula last year. Wa pa gani daw naapil dinhi mga pelikula sa MMFF huh!

Abah, ang pasabot ba niini nga hangtud TV lamang ang beauty ni Marian? Nagpasabot kaha kini nga di pa gyud siya angay sa pelikula?

Usa daw sa mga rason kung nganong ang sama ni Marian nga hit sa TV apan dili sa pelikula mao ang kamatuoran nga libre ang telebisyon, sa sine, may bayad na.

Sey pa nga ang overexposure daw ni Marian sa TV ang rason kung nganong ang mga tawo, daw bidlion na kaniya.

Question, kinsa ba ang tawong mobayad pa sa sinehan aron nga motan-aw sa salida sa tawong kada-adlaw niyang makita sa TV nga libre pa? O diba? Siguro, kung motan-aw ang tawo, dako na gyud kaayo kini nga pelikula. Noh?

According sa usa ka Marian fan, usa sab daw sa rason niini mao ang kapakyas sa mga hingtungdan (helllooo... mga hingtungdan!) nga hatagan og usa ka dakong pelikula si Marian.

Acting wise pod daw, wa pa'y napamatud-an si Marian.

Hinuon, karong tuiga, siguro, tsansa na kini ni Marian to prove them wrong.

This year, kinahanglan nga i-improve sab ni Marian ang iyang akting aron nga wa'y masaway ang mga tawo kaniya.

Usa sab sa mamahimo niyang usbon: ang iyang pakig-deal sa press.

Taas pa og panahon si Marian aron nga mo-improve. Humanda kayo! Marimar, awww...!

Source: Sunstar Daily