Related Celebrities

Marian, target ni Robin!

Author: Abante

DIRETSAHAN na ring sinabi ni Robin Padilla na gusto niyang maka-partner sa mga susunod niyang project si Marian Rivera.

“Unang-una, isa siyang Reyna ng primetime at isang malaking karangalan at isang malaking tulong 'yun at isang malaking hakbang sa aking career na makasama kung sino ang hottest, 'di ba?” sabi ni Robin.

“Sana pelikula magkasama kami! Sa TV, wala namang problema 'yun?” dugtong pa ni Robin.

Hindi kaya magkaroon ng problema sa pagitan nina Dingdong Dantes at Marian?

“Bakit naman magkakaproblema kay Dingdong? Hindi naman ako magiging balakid sa kanilang loveteam. Hindi ako nakiki-loveteam. Hindi ako matinee idol at ako ay action star.”

Kunsabagay, sinabi naman ni Dingdong na kahit sinong lalaki ay gugustuhin talagang makasama si Marian.

“Siyempre, siya ang hot, eh! (Marian). Kung sino 'yung hot, 'yun ang gusto mong makasama. Career lang 'yun, walang malisya du'n.”
Anyway, napangiti si Robin nang pansinin namin na tila lalo siyang gumuguwapo ngayon.

“May mga magagandang dalaga sa paligid, eh! Ha! Ha! Ha!
“Ano lang ako, kailangang hindi nawawala ang mga dalaga sa paligid.”
Puwede kayang ma-in-love siya kay Marian?

“Ah, hindi, ganyan lang ako!”
Graduate na ba si Robin sa mga babae?
“Hindi naman graduate! Walang lalaking ga-graduate sa babae! Pero, hindi na tayo papatulan ng mga yan. Ang tingin sa akin ng mga 'yan kuya na lang. Kuya-kuya na lang tayo.”

Source: Abante