Mariel, inggit na inggit kay Valerie?

Author: Rey Pumaloy

Iniintriga ngayon sina Valerie Concepcion at Mariel Rodriguez. Sabi, panay raw ang isnaban ng dalawa sa Wowowee?

Dugtong pa sa tsismis, tila naiinggit daw si Mariel kay Valerie ngayon?

Kasi raw, bukod sa may pelikula na si Valerie, ang One Night Only, marami pa itong ini-endorse na produkto, kasama na ang Energo.

Sabi-sabi na napipikon daw si Mariel kapag ikinukumpara kay Valerie? At ayaw na ayaw raw ni Mariel na naririnig na mas sikat at mas mahusay sa kanya si Valerie?

Siyempre, gulat na gulat si Valerie sa sunud-sunod na intriga sa kanila ni Mariel.

“Hindi naman kami nagdi-deadmahan ni Mariel, eh,” pangiti-ngiting sabi ni Valerie.

“Nu'ng nasa Canada kami, kami ang roommates. Magkasama kaming nag-shopping. So, paano naman kami magdi-deadmahan? Hindi totoo `yon! Ha! Ha! Ha! Ha!” humahalakhak na dugtong pa ni Valerie.

Nakiusap si Valerie na huwag silang intrigahin ni Mariel. At alam daw niya na hinding-hindi mangyayari na maiinggit si Mariel sa kanya.

“Grabe namang 'yan! Huwag naman ganyan! Huwag niyo naman kaming intrigahin.”

Iginiit ni Valerie na mas maraming ini-endorsong produkto si Mariel kesa sa kanya.

“Kung apat ang endorsements ko, lima o anim ang kay Mariel. So, paano siya mai-insecure o maiinggit sa akin? Ha! Ha! Ha! Ha!” masayang sabi pa ni Valerie.

Source: Abante