Mariel, nahipuan si Rafael

Author: People's Tonight

NAGING tampulan ng tukso si Mariel Rodriguez sa presscon kahapon ng pang-hapong serye ng ABS-CBN, ang Precious Hearts Romances Presents Bud Brothers, dahil sa pagiging agresibo sa isang eksena nila ni Rafael Rosell.

Shocked ang press dahil habang supposedly ay tulog ang dalawa, nakadantay ang kamay nito sa harapan ng kapareha. Ang box-office director na si Cathy Garcia-Molina ang nag-handle sa episode nina Mariel at Rafael na base sa Precious Hearts Romances series ni Rose Tan.

Aminado ang direktora na medyo nahirapan nga silang i-adapt ang ilang eksena mula sa pocketbook sa telebisyon. Sa istorya kasi ng episode nilang My Golly, Wow Betsy, pinakiusapan ni Rafael si Mariel na pagpanggap bilang misis niya.

"If you watch the episode, you'll see na there's a funny reason kung bakit nakalagay du'n ang kamay ko. Cute siya, hindi malaswa," esplika ni Mariel sa nagmamalisyang showbiz writers.

Pambubuko naman ni Direk Cathy, habang nagte-taping sila't dahil sa sobrang "init" ng mga eksena, nag-dialogue si Mariel ng, "Direk, parang mini-porn na 'tong ginagawa namin, 'no?" sabay tawa.

Actually, first time palang magkatrabaho nina Mariel at Rafael. "Masaya naman ang bonggang-bonggang two-day taping namin!" hirit pa ng dyowa ni Zanjoe Marudo.

"It's important that you trust your director. Ours was more of fun, masaya talaga siya.

"When I accepted the project, alam ko namang may kissing scenes, so, walang problema," dagdag paliwanag ng TV host.

Eh, kay Zanjoe, wala kayang maging problema ang pagiging daring niya sa Precious Hearts Romances Presents Bud Brothers, na magsisimula nang mapanood sa Kapamilya Network sa Mayo?

Ani Mariel, "Siya rin naman, nakipag-kiss sa Dyosa, so, ngayon, pantay na kami. Wala siya rito at wala siya sa taping!"

Anyway, ang Bud Brothers Series ay umiikot sa isang grupo ng college fraternity brothers na nagtayo ng isang negosyo, ang Bud Brothers Flower Farm.

Aasahan ng romance readers ang parehong tuwa at kilig na nababasa nila sa mga pocketbook sa pagpapalabas ng series sa TV, dagdag pa rito ang nakaka-excite na elemento ng mga bagong loveteam na hindi pa nakikita sa TV.

Pangungunahan ito ng sweet at sexy couple na sina Cristine Reyes at Jake Cuenca, Will Devaughn at Valerie Concepcion, Joem Bascon at Wendy Valdez, Ahron Villena at Maricar Reyes, Pinoy Fear Factor participantes na sina Manuel Chua at Janna Dominguez, kasama rin ang new hunk-singer na si Guji Lorenzana at Roxanne Guinoo, at John Prats at Denise Laurel.

May isa pang loveteam na dapat abangan sa pagtatapos ng serye.

Ang Bud Brothers Series ay mula sa direksiyon nina Cathy at Jerry Sineneng at sa panulat sa telebisyon nina Mel Mendoza-del Rosario, Michiko Yamamoto at Joey Reyes.

Source: People's Tonight