Related Celebrities

Martin: Congrats, Kimmy Dora!

Author: AC Martin
Column: Tagming

IN fairness bisag low-budgeted movie ang Kimmy Dora pero nindot ra pagkahimo. Aw, di nindot ra, nindot jud.

Niadto lang Dominggo sa Ayala Cinema puwerteng punoa sa Kimmy Dora. Ug grabe kasaba sa mga tawo sud sa sinehan sa kaalegre sa maong pelikula.

As of Saturday, naka-gross na kuno nig P9 million. Di hinuon siya maisip nga box office hit apan so far, so good ha! Not bad. BRUTSA

Ang akong gikalingawan sa Kimmy Dora kadtong "Peter Piper pick a peck of pickled pepper". Wa tingali maayong lake nga di mobuhakhak sa ka-witty ni Eugene.

Gikagubtan sad ang kissing scene kay gibrutsahan man gyud kaha sa aktres ang ngabil ni Dingdong Dantes as in nakasiyaget gyud tawon ang audience to the top of their lungs. Bongga!

As in magsige ra gyud kag katawa aning salidaha. Maorag "Pokwang Uncovers the Coverboyz" concert nga nagsige ra sad mig agik-ik. IN MY LIFE

Kon mag-ihi-ihi mog kinatawa sa Kimmy Dora, gipaabot nga mag-awas awas sad ang inyong luha sa heartwarming dramang In My Life.

Well, ugma, naa silang John Lloyd Cruz ug Luis Manzano sa Cebu alang sa mall tour sa In My Life.

Kakita ko sa ilang trailer ug grabe na-touch ko. Very engaging. Nisakit akong dughan. Ahg!

Naa hinuoy mga nag-ingon nga disappointed sila sa pelikula kay matod pa lagi, it's more of a Vilma movie rather than a Luis-John Lloyd gay relationship. Well, it's too early to judge. We'll find out once the movie will open on Sept. 16. PATTI PAGE

Wa gyud diay madayon ang concert sa international singer nga si Patti Page niadtong Biyernes sa Waterfront Hotel-Lahug.

Di man gud pareha sa Manila ang Cebu. Ang market sa Cebu very limited (and the budget as well). Pun-an pa nga wa kaayo to ma-promote.

Mga tiguwang na sad ang fans aning Patti Page. Tingali ang uban namahuway na sa dayon. 1950s pa gud ni iyang mga kanta, sama sa How much is that doggie in the window, Tennezzee Waltz ug I went to your wedding.

Naa man gud koy greatest hits album ni Patti Page courtesy sa Alpha records. Ganahan ko maminaw og mga classic hits kay makahinumdom ko sa akong mga ginikanan nga nitaliwan na intawon sa laing kalibutan. Maayo na lang bisag sa awit man lang mabuhi sila pagbalik sa akong galamhan.

Source: Sunstar Daily