Martin: Text bahin ni Cutie alang kang Pops nakapaukay sa media

Author: AC Martin
Column: Cebu, Kalingawan, Tagming

NAA koy nadawat nga text message from an unknown sender nga naghangyo kon puwede ba kunong ipasupot ning iyang pangutana alang kang Pops Fernandez nga nag-concert gabii sa Waterfront Hotel kauban nilang ZsaZsa Padilla ug Kuh Ledesma.

Apan nahuman na ang presscon sa Diva 2 Diva concert niadto pang miaging semana, diin nigamit rag audio-video ang organizer sa ilang interbyu.

Ang kontrobersyal nga pangutana nga buot niyang ipadangat mao ang mosunod-

"Good am! Could anybody from the media ask Pops how it felt to be in Cutie del Mar's territory? Ms. party animal snatched Martin from Pops but eventually lost him last year. Ms. homewrecker now wants to be in congress. Tsk tsk..."

Apan ang nakaalegre kay napangutana gyud diay ni gahapon kang Pops (Enero 12). Kay nag-presscon diay og balik si Pops, ZsaZsa ug Kuh nga gipahigayon sa Ambassador's Suite.

Ako sad nasuta nga dili ra diay akoy nakadawat sa maong text, kon di lakip ang uban natong kauban sa buhat.

Apan safe ra kuno kaayo ang tubag ni Pops sa maong pangutana- "Kay Martin na lang yan. Wala na akong pakialam sa kanya!"

Apan in fairness to Cutie, iya na ning gitubag ang isyu nila ni Martin Nievera sa dihang gilusad pa last year ang local variety show nga Eat Nata sa GMA, diin usa siya sa mga host.

Ug matod ni Cutie nga bunga ra kuno to sa iyang kabatan-on ug di na angay hisgutan pa. Apan iyang giangkon nga nagbuwag gyud sila ni Martin niadto lang Mayo, 2007. Wa na siya mo-elaborate. DAMAGE CONTROL

Nakatimaho tingali ang GMA-7 nga nega na kaayo ang dating sa ilang current princess nga si Marian Rivera maong moari nig Cebu karong bisperas sa Sinulog.

Dapat lang moari si Marian kay siya ra bay pambato sa GMA. Unsaon na lang kon malaos? Gitag-an ra ba nga mohinay ang iyang popularidad karong tuiga.

Tipik ni sa ilang damage control tingali. Kay bisag kapila pa sila mo-deny nga dili bungangera si Marian, nga wa silay relasyon ni Dingdong... apan actions speak louder than words!

Ambot sad bitaw aning GMA, nganong puros ra man sila Marian, sama niadtong panahon ni Angel Locsin nga puros ra sad sila Angel. Nganong di man nila hatagag equal chances ang uban nilang artists?

Di sad ka kaingon nga wa nay laing kapilian. Suma gud, diin man gikan si Anne Curtis? Toni Gonzaga? Valerie Concepcion? Mariel Rodriguez? Iya Villania? Megan Young? Puros na nagsugod sa Kapuso. Dili kaha ang problema naa sa ilang talent arm sa GMA? Well... just asking!

(January 13, 2008 issue)
Write letter to the editor. Click here.

Source: Sunstar Daily