Mga behind-the-scene sa Star Awards

Author: Timmy Basil
Column: Cebu, Kalingawan, Grabeh na ni!

MANILA- Hay salamat, nahuman na ang 22nd Star Awards For Television nga gipahigayon sa SMX Mall of Asia. Grabe, gidagsa ang maong venue og daghan pa kaayong fans ang wa makasulod bisan og duha ka function room ang giukopahan.

Star-studded ang maong okasyon nga gitambungan sa mga stars sa Kapamilya ug Kapuso Network. Sa tinuod lang, ang PMPC Star Awards For Television lang ang nag-inusarang venue para mag-uban ang mga artista sa Dos ug sa Syete.

May nangutana kon nganong wa man lang ma-nominate sila si Dingdong Dantes og Marian Rivera sa "Marimar" o kaya sa "Dyesebel".

May tubag ang PMPC. Sa Dyesebel, wa pa sila makahabol sa cut-off samtang sa "Marimar" naman, naapil man gud kini sa mga programang naka-franchise ug wa kini mahiapil that's why daghang tv shows nga may franchise o kaha adopted sa shows sa abroad like the Korean novelas, Pinoy Big Brother, Mga Game Shows ug uban pang franchised shows.

NICOLE, ROBI, OBVIOUS NA!

Dungan nga niabot sa venue si Nicole Uytiengsu (daghang press ang nalisdan mag-pronounce ug magsuwat sa apilyido ni Nicole, puwede bang Nicole Uy na lang?)

Parang naka-preggy-look ang gown ni Nicole nga kulay violet pero pretty gihapon siya. Niabot sad si Josef Ilizalde nga naunang na-link kang Nicole although nakita kong nagpansinan naman sila pero mas dikit si Nicole kang Robi.

Si Robi ang midaug sa New Male TV Personality category samtang si Nicole way palad ug ang New Female TV Personality napunta kang Kyllie Padilla ug sa baguhang si Patricia Gayod nga superb sad ang gipakitang gilas sa "Dagat" episode sa Maala-ala Mo Kaya.

Daghan ang nakamatikod nga morag sila na gyung duha (Nicole ug Robi) pero as usual, wa moangkon ang mga bagets. Matod pa ni Robi, nag-stop si Nicole sa school karon samtang siya nagpadayon ug usa sa mga dean's lister. Pero next year, mobalik pagtungha si Nicole ug sa Ateneo kuno kini moeskuwela diin mao sad ang eskuwelahan ni Robi.

ROSA ROSAL NAG-ANTOS

Alas sayes sa gabii ang nakabutang sa imbitasyon pero nasayod naman ta sa batasan sa Pilipino, ang 6 pm mahimong 8:00 o 10:00 pa. Alas sayes y media sa hapon, niabot na si Rosa Rosal nga recipient para sa Ading Fernando Lifetime Achievement Award tungod sa iyang long-running television show nga "Damayan."

Ug siyempre, kinsa ba ang wa makaila kang Miss Rosa Rosal sa iyang way hunong nga pagtabang sa mga pasyenteng nanginahanglan og dugo pinaagi sa Philippine National Red Cross diin identified si Miss Rosal for decades now.

Ang mga unang artista, very particular sila sa oras. Diosmio, naloka kami tungod kay nag-practice pa ang mga performance sa sud niabot na si Miss Rosal Rosal. "On-time ako palagi," matod pa niya.

Pero matod pa ni Miss Rosal, di kuno kaayo siya makaagwanta sa sobrang katugnaw pero after two hours, kaluoy's Dios gisugdan na ang show pero mukhang nag-enjoy naman si Miss Rosal bisan og sa tunga-tunga sa show gitawag sa stage para dawaton ang tropeyo. Mukhang naga-enjoy na si Miss Rosal ilabi na nga ang nag-present sa iyang award ang iyang kanhi mga friends sa showbiz nga dugay-dugay nang wa niya igkita like Delia Razon ug si Lilia Dizon nga mother ni Christopher de Leon.

Wa na panumbalinga ni Miss Rosal ang katugnaw sa venue ug gitapos pa niya ang show nga ala una na natapos. Si Loren Legarda naman ang recipient sa "Excellence in Broadcasting Award" para sa naging kontribusyon ni Sen. Loren sa broadcasting sa wa pa siya mosud sa pulitika. 53 ka kategorya (including the awards of Loren and Rosa Rosal ) ang gipanghatag sa 22nd Star Awards For TV. Congrats sa tanang mingdaug!

Source: Sunstar Daily