| | Nadia Montenegro, magiging threat na nga ba kay Gretchen Barretto? Author: Julie Bonifacio Ipinakilala ang aktres na si Nadia Montenergo bilang bagong celebrity endorser ng Mikaela Advanced Aesthetic Clinic. Tatanggalin ng Mikaela ACC ang seventy pounds sa katawan ni Nadia in four months. Dahil sa desisyon ni Nadia na magpapayat marami tuloy ang na-curious kung ano ang tunay na rason niya sa kanyang pagpapayat pagkatapos ng matagal-tagal na panahon ng pagiging mataba. "Well, ah, nag-umpisa lang talaga sa bet. Nag-bet lang kami ni Michaela (Bilbao,owner ng MACC). Actually, sabi ko, 'Sis, ang dami mo'ng machines baka naman pwedeng guinea pig mo na lang ako. Kumbaga, parang, everyday naman nandu'n ako sa kanya. Parang kami parating facial. Pagamit naman kami ng machine mo. Sabi niya, 'Hindi. Eh, kung totohanin na natin?' Sabi ko, 'Ano'ng totohanin?' 'Ikontrata na natin 'to. Seventy pounds kaya mo (in) four months.'" Gusto ba niya maging curvaceous ang katawan niya? "No, not really. I don't think, no. I just want to be healthy. I just want to look good and feel good. Kasi alam mo umabot na ako sa point na, 'Ang ganda-ganda mo.' Sa akin hindi. Hindi na nagsi-sink in. And I never naman used it to my advantage na ano, kumbaga, hindi ko naman inano 'yun. Kasi sa totoo lang ang hilig-hilig ko manood sa Lifestyle Network . Puro bihis, puro mga models . Alam mo 'yun? Hindi ko nagagawa. Mahilig ako magbihis hindi ko magawa. Hindi naman ako makabili ng gamit dito. Ang daming frustrations. Kaya parang bakit ko pa papahirapan ang sarili ko. It's about time naman na I have yo do some thing for myself." Hindi kaya maging threat ulit siya kay Gretchen Barretto kapag pumayat siya? "No, naman. Kahit naman nu'ng mga dalaga kami we're two different individuals and huwag na sanang i-compare pati 'yun 'di ba? Gretchen is Gretchen. I can never be in her position. Kasi iba naman 'yung life ni Gretch. Iba naman 'yung linya niya, kumbaga. I mean, she's a model. She's a glamorous woman and ako naman I have a different ano, I don't want to be in that, hindi ako ganu'n. It's not my character. Sa kanya bagay na bagay yun. Ako hindi. I'm showbiz. Hahaha!" Alam ni Gretchen na magpapayat na siya? "I think she knows naman na I'm endorsing Mikaela." Hindi pa daw sila ulit nag-uusap ni Gretchen matapos ang kanilang pagkikita sa burol ni Douglas Quijano pero dapat daw ay magkikita silang muli. "Yeah, actually dapat magkikita kami kasi nagkaroon ng grade school reunion ' yung school, ' yung (Collegio de) San Agustin. Napa-aga siya ng punta. Pagdating ko wala na siya. So, hindi talaga. Ano, hindi pinipilit kumbaga," tapos ni Nadia. Source: ABS-CBN Interactive |
|
