Nadia, tuloy ang demanda kay Cristy! Sen. Legarda, saludo kay Mother Lily!

Author: Jojo Gabinete
Column: The Source

TUMANGGI si MTRCB Chair Consoliza Laguardia na magpainterbyu sa mga miyembro ng media na nagpunta sa MTRCB office noong Martes para i-cover ang pagsasampa ni Nadia Montenegro ng reklamo laban kay Cristy Fermin.

Apparently, ayaw ni Chair Laguardia na maakusahan na meron siyang pinapanigan kaya pinili niya na maging neutral.

May kasabihan na may mga tenga ang dingding. Sa kabila ng pagtanggi ni Chair Laguardia na magsalita, nakarating sa press ang sinabi niya kay Nadia: “You are a brave woman.”

Kinumpirma ni Nadia ang balita na nakipag-meeting siya sa mga executive ng ABS-CBN. Tumanggi si Nadia na sabihin ang pangalan ng mga nakausap niya pero inamin niya na nag-apologize sa kanya ang mga executive dahil sa mga statement ni Cristy sa The Buzz noong October 5, 2008.

Sa column ni Cristy sa PSN noong October 8, sinabi niya na may karapatan si Nadia na magsampa ng libel case laban sa kanya at nakahanda siya:

“Dahil sinabi niyang sa korte na lang namin sabihin ang aming rebelasyon ay nakahanda rin kami, may karapatan si Nadia na magsampa ng kasong libelo laban sa amin, kung sa akala niya ay nadehado siya sa ginawa naming pagdepensa sa ginawa niyang pangwawasak sa aming pagkatao habang wala kami dito sa bansa, sa limang pagkakataon (TV Patrol World">TV Patrol World, Startalk, Entertainment Live, Showbiz Central at The Buzz).

“Ang mga sinagot lang namin nang punto por punto ay ang mga akusasyon niya sa The Buzz, marami pa siyang bintang na hindi namin natugunan, marami pa kasing naiwanang isyu.”

Ngayong umaga, pupunta si Nadia sa korte ng Quezon City para magsampa ng libel case laban kay Cristy. Magsasampa rin daw ng demanda ang kanyang mister, si former Kalookan City Mayor Macario “Boy” Asistio.
***

Ikinatuwa nang husto ni Mrs. Lily Monteverde ang aksyon na ginawa ni Senator Loren Legarda. Pormal na ipinahayag kahapon ni Senator Legarda ang Senate Resolution 696 na kumikilala sa mga kontribusyon ni Mother Lily sa entertainment industry:

“To further show my gratification to Mother Lily for giving life to this dying industry in a time when other producers chose to abandon it, I have filed Senate Resolution 696 which has been adopted by the Senate last October 9, saluting her magnanimity of doing everything in her power to bring joy and entertainment to the Filipino viewers.

“Mother Lily's contribution to this industry have reached the zenith of selfless service to the Filipino viewers. The entertainment industry would be lifeless without her, because she has been its mother for more than 4 decades. I look forward to the next 40 years of her undying support for Filipino artistry,” ani Senator Legarda.

Source: Abante