Related Celebrities

Nagpatuyang na sila Marian ug Dingdong!

Author: Sun.Star
Column: Davao, Kalingawan

TODO na!

Wala na gayud daw ginatago karon nila ni Marian Rivera ug Dingdong Dantes kung unsa na sila kasuod human nga nagbuwag ang aktor ug ang jowa niini nga sk Karylle Marquez.

Sumala pa nga wa na'y kahadlok si Dingdong sa pagpakita sa iyang pagmahal ngadto kang Marian.

Di na matud pa malilong nila Marian ug Dingdong ang pagbati bisan sa atubangan sa press.

Una nang gi-deny ni Marian nga siya ang rason kung nganong nagbuwag sila Dingdong ug Karylle apan sukwahi ang nakita sa press.

Bag-ohay pa lamang, migawas sa mantalaang People's Tonight ang hulagway nila ni Dingdong ug Marian sa victory party sa pelikulang 'One True Love.'

Sa maong hulagway, makita nga gipas-an ni Dingdong si Marian paubos sa mezannine sa Imperial Palace Suites niadtong November 27.

Sumala pa nga una pa nahitabo ang eksena nga nakuha sa People's Tonight, nadunggan si Marian nga nag-demand kang Dingdong nga: "Akala ko ba, bubuhatin mo ako?"

Gisulti daw kini ni Marian dihang nakita nga palakaway na ang aktor.

Una na matud pang misaad si Dingdong nga alsahon si Marian mao nga gisingil daw kini sa aktres.

Sumala pa nga ka-duha gi-alsa ni Dingdong si Marian apan dihang unang higayon nga makita nga may kamera, nagpanaog siya sa aktor.

Nag-dialogue pa daw si Marian nga: "Momsie (manager niyang si Popoy Caritativo), paalisin mo siya," nga ang gipasabot mao ang entertainment Editor nga si Ian sa People's Tonight.

Apan wa nagpapildi ang editor ug gipadayon ang pagkuha sa picture.

Karon, daghan ang nagsulti nga di ingon niini ka demanding si Marian kung wa gayud sila'y relasyon ni Dingdong. Matud pa, di sab daw ingon niini ka concerned si Dingdong kung di niya mahal si Marian.

Mao nga karon, imbyerna na sab ang mga tawo sa duha tungod sa padayong pagdeny nga may relasyon sila apan sukwahi kini sa ilang ginapakitang mga lihok.

Source: Sunstar Daily