Related Celebrities

Naudlot na soap with Robin, iniyakan ni Kris

Author: Vinia Vivar

Sa launching niya kahapon bilang bagong endorser ng 555 Tuna, ipinauna ni Kris Aquino ang pasasalamat sa Century Pacific Group of Companies (makers of 555 Tuna) sa pagkuha sa kanya dahil ang talent fee niya ay ibinayad sa commercial spots ng kapatid na si Sen. Noynoy Aquino.

Thankful din siya na kahit dati siyang endorser ng Purefoods, at ang asawa naman niyang si James Yap ay patuloy pa ring endorser and of course, naglalaro sa PBA team nito, kinuha pa rin siya ng 555 Tuna.

'Yun nga lang, ibinilin sa kanya ni James na huwag na siyang banggitin pa sa presscon at nakakahiya raw sa San Miguel.

Sa Q&A portion, marami ring nalinaw na issues si Kris at isa na rito ay ang life story ng parents niya.

May changes pala tungkol dito dahil isang malaking Hollywood firm ang makikipag-partner sa Star Cinema para i-produce ito.

Isa rin sa mga napag-usapan ay kung sino na ba ang gaganap na Ninoy at Cory sa movie. As we all know, marami nang pangalan ang lumutang sa kung sino ang gagawa nito.

Since pinag-uusapan pa ang mga detalye, wala pang na-mention si Kris kung sino ba talaga ang gaganap bilang kanyang mga magulang but if she were to be asked, nabanggit niya sina Batangas Gov. Vilma Santos at Sharon Cuneta.

"Kung mom later in life, ha, from the time dad was assassinated to her death, I think nobody else but Ate Vi. But if there's constraint about elections, kasi I know right now, ABS-CBN is in negotiations with a foreign film, a U. S. producer, big time, malaki, and if they would like to shoot earlier, ang naisip ko lang, apart from Ate Vi na in terms of being articulate and the ability, the command of several languages wether it's English, Tagalog or French, it's Sharon.

"'Yun ang naisip ko, because of the command of the language. But 'yon, napi-picture ko rin the person addressing the U. S. Congress, you know. But it would really depend on the time frame, kung kelan nila gusto 'yan.

"Tapos, as far as dad is concerned, ang hirap kasi, namatay siya at 50. So, you really have to choose na, dad's life was so fast na 'yung impact ng buhay niya, nagsimula talaga siya at 17 years old. "

Naiisip daw nilang magkakapatid si Piolo Pascual, pero na-realize rin daw niya na bagay din si Aga Muhlach for the role.

Natanong din si Kris kung sino naman ang gusto niyang gumanap sa kanyang role.

"So, from that six years old, nu'ng una akong mag-speech. So, I don't know. Maghanap tayo ng six years old, tapos I was 12 when dad died, so, mahirap talaga 'yung casting, especially when you're so very much alive and they see you. So, I don't know. Ang hirap talaga," say niya.

Bakit hindi na lang siya ang gumanap na Tita Cory?

"I can't because I'm not my mom. Sa pagka-soft spoken na lang, malumanay and all, that's not me. And talagang people would be saying na ang layo naman niya kay Cory. O, 'di wag na lang. Buti sana kung magaling ako, hindi ko kaya talaga," say ni Kris.

Isa rin sa napag-usapan ang tungkol sa pagrereto niya kay Ruffa Gutierrez ng isang biyudo at say ni Kris, next year pa raw 'yon, dahil kamamatay lang ng asawa nito last August.

"Pagbabang-luksa na. Nabiyudo lang nu'ng August. And then, sinabi ko kay Ruffa na tutal, residente ka na rin lang ng Makati, eh, 'di i-entertain mo na rin. Pero 'pag naka-one year na. Ang pangit naman kung ipa-date na natin sila," say niya.

Kahit hindi binanggit ni Kris ang name ng guy, marami na rin ang nakakaalam na the guy is Jun-jun Binay, anak ni Makati Mayor Jejomar. At hindi na rin nakapag-deny si Tetay.

Good thing, good sport naman daw si Jun-jun about it. Humingi raw siya ng dispensa rito na na-bring-up ito sa The Buzz.

Say nga raw ng bagong biyudo, tinutukso na raw siya ngayon pa lang kay Ruffa.

Anyway, naghahanda na si Kris para sa kanyang next teleserye na pinag-awayan pa raw talaga nila ni James.

"Nagkatampuhan kami, kasi, 'yung sa soap talaga, akala niya twice a week. Nu'ng nalaman niyang thrice a week, kasi nga, nagpopondo, parang nag-react siya talaga na Mondays, Wednesdays and Fridays 'yung taping, tapos may nabasa pa siya siguro sa mga tabloid na 'yung Robin-Robin (Padilla), sabi ko nga, 'My God, hello naman!'

"And then, I explained, sabi ko, 'number one, do you honestly think na pasasamain nila ang hitsura ko na magmumukha akong malandi? Siyempre, hindi naman. Pangalawa, mommy ako ni Kim (Chiu), parang three days lang 'yung back story, the rest, present time na.

"Ang gustu-gusto niya kasing asawa ko parati, si Albert Martinez. Kasi Albert is so mabait, so, parang feeling niya good influence and sabi ko sa kanya, alam mo 80 percent ng eksena ko, si Albert ang kasama.

"Nakita niya kasi 'yung schedule, and that was my fault, nakita niya talaga sa calendar, wala talagang araw na walang work.

"And then, sabi niya, nag-promise raw ako sa mom na 'yung mga bata, hindi ko pababayaan. Eh, sabi ko naman, kung hindi naman dahil sa elections, hindi ko tinanggap itong mga ito.

"And then, nu'ng nakita niyang nag-iiyakan na kami ni Pinky (Kris' sister), buti na lang naawa na siya sa akin, kasi cry ako nang cry and then, sabi niya, 'sige, naiintindihan ko na, papayag na ako,'" kuwento ni Kris

Kaya naman sobra-sobra ring pasasalamat niya sa asawa na finally, pinayagan din siya na magteleserye. Iere na ito sa Pebrero at ngayon pa lang, super inaabangan na ito lalo na ng fans nina Kim at Gerald Anderson.