Pauleen Luna afflicted with dengue, needs blood donors Author: Erwin Santiago Ibinalita ni Pia Guanio sa "Chika Minute" segment ng 24 Oras kanina, January 13, na kasalukuyang naka-confine ang young actress at co-host niya sa Eat Bulaga! na si Pauleen Luna sa Manila Heart Center. Ayon kay Pia ay dinapuan ng sakit na dengue ang Kapuso star. Ayon sa report, noon pang Biyernes, January 9, naka-confine si Pauleen sa Heart Center. Nangangailangan din daw ng blood donations ang young actress. Nananawagan ang mga kamag-anak ni Pauleen sa mga type B positive na bumisita sa Heart Center upang mag-donate ng dugo. Ini-report ng Department of Health (DOH) noong November na dumoble ang dengue cases sa Metro Manila at Central Luzon, ngunit nabawasan sa ibang rehiyon nitong nakalipas na sampung buwan. Bukod sa Eat Bulaga! ay regular ding napapanood si Pauleen sa fantaserye ng GMA-7 na Luna Mystika.
Source: Philippine Entertainment Portal | 
