Polo nominado sa FAMAS

Author: People's Tonight

NOMINADONG best actor si Polo Ravales sa FAMAS para sa pelikulang Walang Kawala.

"Nasa cloud 9 ako ngayon!" bulalas niya.

"Maraming salamat sa FAMAS. Noong nalaman kong nominated ako, thank you ako nang thank you kina Direk Joel (Lamangan), lalo na kay Direk Manny (Valera) who produced this movie for me.

"My whole family is happy. Malaki talaga ang tulong ni Direk Manny sa aking career. And I will forever be grateful. "

Sa social drama na Walang Kawala, gumanap si Polo bilang isang mangingisda na iniwan ang kanyang asawa dahil sa kanyang lover (ginampanan ni Joseph Bitangcol).

Sabi ni Direk Manny, "Polo's FAMAS nomination confirmed what we knew all along — that he is one of the finest actors of his generation.

"One of the major reasons why we, at DMV Entertainment, made Walang Kawala was to showcase Polo's acting talent.

"We're very happy na hindi kami nabigo sa objective na iyon. "

Nominado rin sa FAMAS ang co-stars ni Polo na sina Jean Garcia (best supporting actress) at Emilio Garcia (best supporting actor).

Gaganapin ang gabi ng parangal ng FAMAS sa Linggo, Oktubre 18, sa PAGCOR-Parañaque.

Source: People's Tonight